(AP) — Elon Musk ta bisa cu e por tin mester di haya cirugia prome cu su ‘pelea den haula’ proponi cu Mark Zuckerberg. E dos biyonario di tecnologia aparentemente a bay di acuerdo pa un enfrentamento en persona fin di juni ultimo.
No ta cla si un berdadero pelea fisico ta bay tuma lugar, pero Musk y Zukerberg a continua generando interes den e potencial pelea door di manda palabra pa otro online – mas recientemente diadomingo, ora Musk a bisa cu lo transmiti e pelea en bibo riba su plataforma di rednan social X, conoci anteriormente como Twitter. Musk a agrega cu e placa genera cu e pelea lo bay na un organisacion caritativo cu ta yuda veteranonan di guera.
Riba su plataforma Threads, Zuckerberg a responde: “No lo ta miho pa nos usa un plataforma mas confiable pa realmente genera placa pa caridad?” Den un siguiente post, e CEO di Meta, compania mama di Facebook, a bisa cu e no tabata kere mucho cu e pelea lo bay door. “Mi ta cla awe. Mi a sugeri dia 26 di augustus ora el a reta mi pa prome biaha, pero e no a confirma,” segun Zuckerberg, kende a train den mixed martial arts y a post con el a completa su prome torneo di jiu jitsu e aña aki. “Mi ta stima e deporta aki y lo continua competiendo cu hende cu ta train sin importa loke ta pasa aki.”
Anteriormente diadomingo, Musk tabata train pa e pelea door di hisa pesa. Despues el a adresa e momento pa e pelea – notando cu e fecha “ainda ta den fluho” pa motibo cu e tin un MRI programa y e potencial pa cirugia. “Mi ta haciendo un MRI di mi nek y lomba mañan,” Musk a skirbi diadomingo anochi. “Por rekeri cirugia prome cu e pelea por tuma lugar. Nos lo haya sa e siman aki.”
E idea pa un pelea en persona a cuminsa na juni, ora cu Musk, kende ta doño di X, a responde na un tweet tocante Meta preparando pa lansa un rival di Twitter yama Threads. El a tira palabra tocante mundo biniendo “exclusivamente bao control di Zuck sin ningun otro opcion” – pero e ora un usuario di Twitter a haci chansa di adverti Musk tocante e training di Zuckerberg den jiu jitsu. “Mi ta dispuesto pa un pelea den haula si e kier lol” Musk a skirbi. Despues cu a parce cu Zuckerberg a acepta e propuesta, Musk a propone e Vegas Octagon.
Ainda mester mira si en realidad Musk y Zuckerberg ta bay yega e octagon na Las Vegas – specialmente pasobra Musk hopi biaha ta post tocante accion prematuramente of sin duna continuacion. Pero hasta si nan acuerdo di pelea ta puro wega, e palabranan a hala atencion. Un cadena sin fin di meme y post pa “scoge bo bringador” a aparece den respuesta.
