Elon Musk ta bayendo huicio pa su tweetnan problematico, den un demanda di difamacion di un chauffeur Britanico cu el a acusa di ‘pedofilo’.
CEO di Tesla ta spera di testigua trempan den e caso pa splica kico e tabata kiermen ora el a yama Vernon Unsworth, kende a yuda rescata futbolistanan hoben trapa bou awa den un cueba na Thailand ‘pedo guy’ den un pelea riba Twitter aña pasa.
Musk despues a disculpa pa su atake riba Unsworth riba Twitter, despues cu e chauffeur a haci di menos e esfuersonan di e biyonario pa construi un submarino chikito pa salba e muchanan como ‘un stunt di PR’. Musk a elimnia su tweet, ampliamente interpreta como un referencia na un pedofiel, y a disputa cu esey ta locual e tabata kiermen.
“‘Pedo guy’ tabata un insulto uza comunmente na Sur Africa ora mi tabata creciendo”, Musk a bisa den un declaracion di corte. “Ta un sinonimo di ‘homber bieu straño’ y ta uza pa insulta apariencia y manera di un persona.”
Abogadonan di Unsworth a hari e splicacion aki, bisando cu Musk a responde na un pregunta tocante si el a acusa Unsworth di ta un pedofiel cu otro tweet bisando ‘mi ta bet un dollar firma cu ta berdad’.
Abogadonan di e chauffeur a bisa tambe Musk a contrata investigadonan pa busca evidencia cu Unsworth tabata un abusado di mucha, cual nunca a haya.
The diver’s lawyers also said he hired private investigators to dig up evidence Unsworth was a child molester, which they never found.
E drama di e cueba a dura mas di dos siman den berano 2018, ora e 12 mucha homber y nan coach di futbol a keda trapa den un cueba inunda nort di Thailand.
Musk y ingenieronan di su compania di raket SpaceX a construi specialmente un mini- submarino pa yuda cu rescate. A publica e aparato ampliamente pero nunca a uza esaki.
Unsworth, un chauffeur y experto di cueba, kende su conseho a ser considera crucial den e operacion di rescate, a bisa cu e submarino nunca lo por a drenta den e cueba. El a bisa CNN cu Musk mester ‘hinca su submarino unda e ta haci dolor’.
Musk a responde dos dia despues cu su serie di tweet. Musk ta bisa cu e no tabata haciendo un declaracion berdadero, y cu niun hende lesando su tweet lo a tum’e na serio y interpreta esaki como difamatorio.
A pesar di elimina e tweet, despues el a sugeri den email na BuzzFeed cu Unsworth tabata un ‘violado di mucha’ y cu a muda na nort di Thailand pa tuma como ‘esposa un mucha kende tabatin como 12 aña di edad e tempo ey’, sin duna evidencia.
Unsworth ta buscando dañonan no specifica pa dolor, sufrimento y stress emocional. E defensa a resisti esfuersonan pa entrega recordnan financiero pa demostra rikesa di Musk, pero a stipula cu su balor ta excede $20 biyon.
