Den un paso cu ta señala e compromiso di ELMAR pa avansa su infrastructura di electricidad, Aruba a logra un “milestone” remarcabel. ELMAR ta orguyoso di anuncia su posicion como e prome compania di distribucion di coriente den Caribe cu a instala e “Transition Joint Click-Fit” na Onderstation Sabana Blanco, inaugurando un era nobo di conexion di kabel di 60KV.
E modelo di conexion “Transition Joint Click-Fit” ta un solucion revolucionario diseña pa facilita e conexion “seamless” di kabelnan di tension halto cu ta traha di diferente material. E modelo aki a atrea atencion amplio den e industria di electricidad mundialmente. Aruba, conoci pa su dedicacion na innovacion, awor ta para na e “forefront” di e tecnologia aki den Caribe.
E imagennan cu a capta e instalacion historico aki ta mustra e experticio di nos propio Glenn Hassell, Monteur A di Underground Cables na ELMAR, trahando man den man cu e Team di Prysmian Hulanda pa implementa e modelo aki; e conexion di kabel di azeta y kabel di kunststof. E contribucion di nos Team di Underground Services ta mustra e mentalidad colaborativo tras di e logro aki, mustrando e compromiso di ELMAR pa stimula talento local den e industria di electricidad.
Conexionnan tradicional di kabel ta implica e conexion di kabelnan di tension halto, generalmente traha di materialnan diferente, haciendo uzo di un combinacion di hermentnan specialisa, tecnicanan, y materialnan. E proceso por ta “labor-intensive” y tuma hopi tempo. Solucionnan innovativo manera “Click-Fit” ta mehora tanto confiabilidad como eficiencia den conexion di kabelnan di 60KV.
Mientras ELMAR ta lidera den e instalacion di e modelo aki di conexion di kabel di 60KV, tin un reto unico cu ta bay mas a leu di e aspecto tecnico. E espacio di instalacion mester keda liber di vocht y stof durante henter e proceso di conexion di kabelnan di 60KV. Pa cumpli cu e rekisito aki, ELMAR mester isola e area di instalacion cu tent y airco 24/7 te ora cu finalisa e trabou. Esaki ta mustra e cuido meticuloso y precision necesario pa tecnologia “cutting-edge” prospera den e clima unico di Aruba.
Mientras nos isla ta sigui crece, e confiabilidad di Aruba su grid electrico ta bira cada dia mas vital. E beneficio di e tecnologia innovativo aki; e aspecto di “Click-Fit” ta un “asset” crucial pa e infrastructura di electricidad na Aruba, debi na su e capacidad pa reduci tempo y costo di instalacion, y e diseño uniforma ta sigura consistencia mientras e componentenan “factory-tested” ta garantisa calidad y prestacion na e nivel di mas halto.
E adoptacion di ELMAR pa e modelo di conexion di kabelnan 60KV “Transition Joint Click-Fit” na Onderstation Sabana Blanco ta un testimonio di e vision di nos compania pa e futuro di energia di Aruba. Tuma un paso importante pa sigura un suministro di energia resiliente pa nos isla door di implementa tecnologianan “cutting-edge”.
Pa mas informacion riba e modelo “Click-Fit”, bishita: www.click-fit.org.
