Elderberry por tin hopi beneficio pa e curason y e sistema inmunologico debi na su concentracion halto den vitamina y antioxidantenan. E Elderberry ta beneficioso pasobra ta contene pigmentonan antioxidante cu ta sostene inmunidad y por preveni cu e virus di griep reproduci den bo curpa.

Elderberry a un berry color biña y rico den antioxidantenan cu a wordo utilisa den e tradicionnan popular pa ricibi e beneficionan, pa trata un variedad di otro sintoma y keho. E Elderberry cu ta madura por wordo converti den un variedad di delicianan, desde bolo y jello te cu biñanan sucu; tambe bo por cumpra suplementonan di Elderberry.

E Elderberry por stimula bo sistema inmunologico

Elderberry ta contene un gran cantidad di antioxidantenan cu ta stimula e sistema inmunologico, incluyendo e vitaminanan ABC. E antioxidantenan aki y vitaminanan por yuda mantene bo sistema inmunologico fuerte y permitie combati miho e infeccionnan como e virusnan cu ta comun, manera griep.

Por ehempel, un estudio di 2016 a haya c e capsulanan di suplemento di Elderberry di 300 mg tuma dos biaha pa dia, un par di dia prome y despues di e vuelonan den distancia largo, ta reduci significativamente e duracion y e gravedad di e sintomanan di griep pa e biahero.

Otro revision den 2020 di 5 estudionan di Elderberry a conclui cu ora di tuma esaki dentro di 48 ora posterior na e sintomanan inicial, suplementonan di Elderberry por reduci e duracion y e gravedad di e keintura, dolor di cabes y e congestion nasal hunto cu e griep.

Elderberry tambe por contene antocianinas, un pigmento cu efectonan antioxidantenan cu e Elderberry nan su coloracion cora, blauw, biña of preto. Ta kere cu e antocianinas ta evita cu e virusnan di influencia ta reproduci den nos curpa, loke por preveni e aparicion di e influencia of disminui e duracion den bo sintomanan.

De hecho e pruebanan di e laboratorio a mustra cu e antiocianinas por inhibi e neuraminidasa, cual “ta un parti di un virus cu ta permiti e gemacion y por lo tanto e replicacion di un virus” Thomas Holland ta bisa, MD, medico cientifico den e departamento di internacion, medicina y nutricion clinica Rush Medical College en Chicago.

Por ehempel, e oseltamivir antiviral antigripal, conoci door di e nomber comercial Tamiflu tambe ta un inhibidor di e neuraminidasa y ta actua pa reduci e sintomanan di e griep mediante na e mesun mecanismo.

Elderberry por disminui e inflamacion

Holland ta bisa cu e Elderberry ta contene un variedad di “bioactivo”, compuestonan antiinflamatorio di loke kisas bo lo por a scucha di esaki, amnera tanino y e flavonoide, cu por yuda preveni e daño den e celulanan den nos curpa.

E stress, e aire contamina, e alimentonan poco saludabel y substancianan manera alcohol of e tabaco por causa inflamacion den e curpa, loke por contribui na daña celular, Holland ta bisa. E daño celular por, na un biaha, genera radicalnan liber, subproductonan, dañinonan di e curpa cu por provoca enfermedadnan cronico manera enfermedadnan cardiaco, alzheimer y cancer.

“E ingesta di alimentonan, specialmente Elderberry, cu tin e propiedad nan antioxidantenan y antiinflamatorio por preveni e aparicion di e daño celular of disminui e inflamacion cu ta pasando den e momento” Holland ta bisa.

 

Elderberry por beneficia e salud di curason

Elderberry ta rico den flavonoide bioactivo, cu varios estudionan a sugeri cu por yuda reduci e presion arterial y preveni e aparicion of progesion di enfermedadnan cardiaco.

Un estudio chikito di 2017, e adultonan di 50 te cu 70 aña a recibi un bebida mixto di Elderberry rico den bioactivo ( incluyendo e Elderberry ) diariamente durante 5 siman a wak un disminucion significativo den e nivelnan di colesterol den general y el colesterol LDL den particular den comparacion cu esunnan cu a recibi un placebo.

Posibel efectonan secundario di Elderberry

Holland ta bisa cu alergianan na Elderberry ta algo straño, pero solamente e fruta y e flornan di e Elderberry ta comestibel y solo e flornan por wordo comi crudo. E resto di planta ta toxico pa hende humano y e ingestion di Elderberry crudo of poco cushina por provoca naucia, saca y diaree.

Elderberry no por wordo combina cu laxantenan of diureticonan ya cu e por aumenta e efecto di e medicamentonan ey, Holland ta bisa. Elderberry tampoco por wordo bebi hunto cu medicamentonan pa diabetes. Debi na e datonan limita di e investigacion, e mamanan na estado y mama nan lactante no por tuma e juice aki.

E personanan cu ta tuma medicamentonan inmunosupresor, manera steroids of anticurpa monoclonal, tambe mester evita e suplementonan di Elderberry. Dado na cu e Elderberry por stimula e sistema inmunologico pa e bolbe den su funcion normal, Holland ta bisa, e por interveni cu e medicamento original y aumenta e riesgo di daño celular.

Holland ta bisa cu no tin un dosis comunente recomenda ora ta trata di suplementonan di Elderberry, pero ta anima e personanan pa sigui e cantidadnan sugeri door di e fabricante y ta bisa “ tene un combersacion cu bo medico di atencion primario semper ta un gran idea prome di cuminsa cualkier tipo di suplemento nobo”

Tin hopi recetanan pa e harabe di Elderberry online, pero e Elderberry no madura caba of poco cushina por causa naucia, saca of diarea, asina ta cu si bo dicidi haci esun di bo, sigura cu e Elderberry nan ta bon cayente y benta e blachinan, taki afo ya cu esaki no por wordo consumi.

Pa hiba manera informacion privilegia

E Elderberry ta yen di antioxidantenan saludabel pa e curason cu por stimula e sistema inmunologico durante e temporada di griep. Solo sigura bo mes di consulta esaki cu bo medico di cas prome di tuma suplementonan di Elderberry pa evita interaccionnan posibel negativo.