Partido di presidente Salvadoreño, Nayib Bukele lo por haya un amplio victoria den eleccionnan legislativo y municipal di diadomingo awor, segun encuestanan, asina por conkista e gran mayoria cu actualmente e no tin y aumentando e temor di oposicion den cual e mandatario ta busca haya control total di Estado.
E mayoria di encuesta ta coincidi cu e partido Nuevas Ideas di Bukele y su aliadonan lo logra entre 43 pa 56 luga di e 84, cu e cual nan lo tin e yabi pa eligi e funcionarionan na conveniencia of realisa reforma di Constitucion pa e proximo tres aña.
E carismatico publicista di 39 aña a asumi e presidencia di El Salvador na mita di 2019 cu e promesa di elimina corupcion y e forma tradicional di haci politica.
Pero den casi dos aña, Bukele a bringa cu Legislativo y Corte Supremo. Den mey di emergencia pa coronavirus, Gobierno a suspende e procesonan y plasonan pa solicita informacion publico, loke a desafia Corte, e mandatario a ordena e funcionario pa usa forsa letal den cumplimento di nan labor.
P’esey su adversario ta teme cu e gobernante lo por consolida si lo logra un mayoria cu lo permiti scoge e fiscal general na december y cinco di e 15 magistrado di Corte Supremo, asina como tambe otro funcionnan di segundo grado. Encuestanan tambe ta pronostica cu oficialismo diadomingo awor lo haya 150 di e 262 alcaldia.
Sinembargo, Bukele a nenga e acusacionnan y ta afirma cu su adversario ta opone pa su politica pa motibo di e progreso di su proyecto na unda cu nan ta wak “nan proyectonan” menasa. Cu su aceptacion, El Salvador a pone fin na tres decada di bipartidismo.
