Homicidionan na El Salvador na luna di december di 2019 a registra e cifra mas abao desde e fin di guera civil na e pais ey na 1992, presidente Nayib Bukele a sigura diaranson ultimo.
“Feliz aña nobo na tur hende! Nos pais a cera aña 2019 caba como e luna mas sigur desde e Acuerdo di Paz”, Bukele a manifesta a traves di su cuenta di Twitter.
December a suma 120 homicidio, cu un promedio pa dia di 3,87 morto, e presidencia a sigura den un comunicado.
E luna cu menos homicidio cu ta sigui ta october cu 124, augustus cu 130, november cu 131 y september cu 148.
E reduccion di homicidio, segun e Presidencia, a produci desde 20 di juni e ehecucion di entre otro medidanan e denomina Plan Control Teritorial, cu ta inclui e municipionan mas violento.
Entre 1 di januari y 28 di december, El Salvador tabata suma 2.374 homicidio un cifra menor cu 3.316 homicidio di e mesun periodo di aña 2018. E mayoria di e morto ta atribui pa e gangnan.
Ta calcula cu e gangnan na El Salvador tin 70.000 miembro aproximadamente, di e cual mas di 17.000 ta den prizon. Den su mayoria, nan ta pertenece pa Mara Salvatrucha (MS-13) of su rival Barrio 18.
Na 2018, El Salvador a figura cu un di e paisnan sin guera mas violento di mundo cu un promedio pa aña di 51 homicidio pa cada 100.000 habitante.
