Siman pasa, un grupo di studiante di hobennan di Schakel y International School of Aruba a logra ricibi e prome lugar den e competencia di National High School Model United Nations (NHSMUN) na New York, competiendo contra mas di 140 scol di tur riba mundo.
Model UN ta un simulacion di Asamblea General di e Nacionnan Uni y su otro organismo multilateral, unda studiante ta tuma e rol di embahador mientras ta debati topiconan manera igualdad di genero, accion climatico, salud global y hopi mas. E aña aki, e ekipo di Aruba a representa China.
Funda den aña 1975, NHSMUN ta e conferencia di Model UN mas grandi, diversifica y prestigioso pa studiante di scol secundario. Studiante tin e oportunidad pa asisti na reunionnan cu representantenan diplomatico di e paisnan cu nan ta representa, mientras lidernan di Nacionnan Uni y NGO ta bishita e comitenan pa sesionnan dinamico di pregunta y respuesta.
5 luna di traha duro y training di TENN Group, dirigi pa Alessio Vargas, Luis Fernando Atencio y Anabela Vivas a duna su fruto . Felicitacion ekipo di Aruba: Victoria Vesce, Paulina Perret Gentil, Juan Andres Rodriguez, Mathias Helder, Damian Leong, Ana Carolina Marcano, Neyah Keam.
TennGroup ta orguyoso di contribui na desaroyo di hobennan Arubiano, fortaleciendo nan habilidadnan blenchi manera negoshi, habla den publico, trabou den ekipo, y inteligencia emocional, preparando nan pa exito academico y profesional.
Arumun ta habri nan porta pa miembro nobo pa e ciclo 2025-2026. Interesado por contact +1 (202) 729-0365 of a traves di Instagram: @tenngroup.
