E toren Eiffel a cera, trein na Francia a stop y miles di persona a protesta ora cu sindicato a cuminsa welga na nivel nacional contra e plan di gobierno pa revisa e sistema di pensioen.
Autoridad di Paris a cera e palacio presidencial y a pone 6 mil Polis traha. Activista, mayoria bisti cu paña gel cu ta representa e movemento di Francia pa husticia economico, a uni hunto na e capital demostra nan rabia contra Presidente Emmanuel Macron y su reforma central.
Sindicatonan y nan sostenedo ta kere cu e cambionan na e condicionnan di pensioen lo afecta e manera di biba na Francia. Macron a mantene su mes ‘trankil y dicidi’. E museo d Louvre ta adverti di interupcion pa e manifestacion y stacion di metro di Paris a cera nan porta. Hopi turista, incluyendo secretario di energia di Merca, a cancela nan biahe pa un di e paisnan mas bishita na mundo. Turista no tabata prepara, descubriendo stacionnan di trein historico para bashi ayera, cu alrededor di 9 di cada 10 trein TGV di velocidad halto cancela.
Borchi di aeropuerto Orly na Paris a mustra vuelonan cancela. Autoridad di aviacion civil a anuncia cu e 20% di vuelo ta para. Algun turista a mustra nan sosten na e trahadonan, pero otro a keha pa ta involucra den lucha di otro persona.
Polis a prepara pa posibel violencia den e marcha, dunando orden pa cera tur compania, cafetaria y restaurant cerca di e zona. Autoridad a prohibi e protesta na barionan mas sensibel na Avenida Champs-Elysees, palacio presidencial, parlamento y catedral di Notre Dame.
Autoridad a tene control di siguridad na mas di 6.000 persona cu a yega pa protesta y a detene 65 persona prome cu e protesta a cuminsa. Embahadanan ta adverti turista pa evita areanan unda tin protesta.
Trahado di salud a presenta pa denuncia condicion di hospital. Studiantenan a señala suicidio entre studiante y a exigi accion gubernamental. Ambientalistanan a enfatisa cu husticia climatico y husticia social ta uno solo.
E hubentud y hende grandi a condena e plan nobo di hubilacion. Nan tin miedo cu lo saca mas placa di nan cartera y reduci e periodo di descanso den ultimo decada den nan bida. Trahado di sector publico tin miedo cu reforma di Macron ta obliga nan pa traha mas tempo y reduci pensioen.
Algun trahado di sector priva ta comparti nan preocupacion, pero otro ta contento cu e reforma. Despues di reunion extenso cu trahadonan, ta spera cu alto comisionado di pensioen lo duna detaye riba propuesta di reforma otro siman y prome minister lo duna conoce e plan di gobierno despues di esey.
