![United States Red Sea Attacks](https://www.bondia.com/wp-content/uploads/2024/01/Ehercito-Mericano-y-Britanico-ta-lansa-atake-contra-Houthinan-na-Yemen_result-696x464.jpg)
(AP) — Ehercitonan Mericano y Britanico a bombardia mas di un decena di sitio usa pa e Houthinan cu sosten di Iran na Yemen riba diahuebs, den un atake vengativo usando misilnan Tomahawk lansa pa barco di guera y submarino y avion di bataya, segun oficialnan Mericano.
Comando di Medio Oriente di Forsa Aereo Mericano a bisa cu a dal mas cu 60 obhetivo na al menos 16 sitio na Yemen, incluyendo “nodo di comando-y-control, deposito di municion, sistema di lansamento, produccion di facilidad y sistema di radar di defensa aereo.”
Presidente Joe Biden a bisa cu e atakenan tabatin intencion pa demostra cu Merca y su aliadonan “no ta bay tolera” e atakenan di e grupo militante den Lama Cora. Y el a bisa cu nan a haci e movida solamente despues di intentonan pa negociacion diplomatico y deliberacion cuidadoso.
“E atakenan aki ta den respuesta directo na e atakenan sin precedente di e Houthinan contra barconan maritimo internacional den Lama Cora – incluyendo e uso di misilnan balistico anti-barco pa prome biaha den historia,” Biden a bisa den un declaracion. El a nota cu e atakenan ta pone den peliger personal y marinier civil Mericano y comercio, y a agrega: “Mi no ta bay duda pa dirigi mas medida pa protege nos pueblo y e fluho liber di comercio internacional segun ta necesario.”
E atakenan ta marca e prome respuesta militar Mericano den loke ta un campaña persistente di atake cu drone y misil riba barconan comercial desde inicio di e guera Israel-Hamas. Y e atake militar coordina ta yega apenas un siman despues cu Cas Blanco y un cantidad di nacion partner a duna un advertencia final na e Houthinan pa stop e atakenan of enfrenta accion militar. E advertencia a parce di tabatin un impacto al menos cortico, ya cu e atakenan a stop pa varios dia. Pero diamars, e rebeldenan Houthi a tira nan bombardeo di mas grandi di misil y drone atacando barconan den Lama Cora, cu fighter jet Britanico y Mericano respondiendo door di tira abao 18 drone, dos misil crucero y un misil anti-barco. Y diahuebs, e Houthinan a tira un misil anti-barco den Golfo di Aden, cual a ser mira pa un barco comercial pero cu no a dal e barco.
Gobiernonan di Australia, Bahrain, Canada, Dinamarca, Alemania, Hulanda, New Zealand y Sur Korea a join Merca y Reino Uni den duna un declaracion bisando cu mientras cu e meta ta pa desescala tension y restaura stabilidad di Lama Cora, e aliadonan no ta bay duda den defende bida y protege comercio den e paso maritimo crucial.