(NLTimes) – Ehercito militar ta yegando e limite di kico nan por haci pa brinda sosten na Ucrania cu ekiponan. E warehouse ta birando bashi, Secretario di Estado Christophe van der Maat di Defensa a bisa den un entrevista na AD.
Hulanda kier yuda, el a bisa. “Sinembargo nos garashi definitivamente no ta yen. Cada biaha e ta causando mas stress.”
Van der Maat a yama esaki un “dilema.” “Con leu nos lo bay?” E guera na Ucrania ta “directamente afecta nos interes.” Sinembargo e sosten aki ta poniendo cada biaha mas presion y impacto riba Forsa Arma di Hulanda.
Van der Maat a menciona e 18 Howitzer cu Hulanda a duna Ucrania como ehempel. “Aki, ya caba bo por mira y deduci e impacto cu e tin riba nos mesun training. E impacto riba nos mes lo sigui crece.”
Forsa Arma di Hulanda tabata luchando cu escasez significante hasta prome cu e guera na Ucrania. “Ora cu mi a cuminsa como Secretario di Estado, mi tabata hopi impacta pa esaki,” Van der Maat a bisa. “Mi no ta kere e mundo pafo ta realisa kico nos a pidi Defensa.” Si Hulanda ser ataca den su teritorio, Defensa lo por participa solamente “pa un par di dia.”
