(NLTimes)—E Ministerio di Defensa Hulandes a cumpra un sistema nobo pa proteha contra dronenan chikito te cu 20 kilogram. El a firma e contract cu e fabricante Elbit Systems diaranson. E Ministerio no a bisa cuanto placa tabata envolvi.
“E uzo y menasa di drone ta aumentando rond mundo,” segun e Ministerio, bisando cu ta esencial pa expande su capacidad pa combati e sistemanan aereo (UAS) aki. E ehercito Hulandes tin sistemanan di defensa caba pa proteha contra sistemanan aereo mas grandi, manera e sistemanan Patriot y Stinger, pero e tin tempo ta buscando pa un herment corecto pa proteha contra drone chikito.
“Esaki a ser haya na Elbit System,” Defensa a bisa. E sistema ta consisti di sensornan specialisa pa detecta y identifica sistemanan UAS. “Tambe e tin recurso pa neutralisa of haci un drone menos peligroso den varios tecnica ‘soft-kill’, por ehempel por medio di pega e sistema.”
E sistemanan lo ser desplega na tur aereo base Hulandes y wal naval na Den Helder. E unit contra drone di e ehercito tambe lo haya e sistema. “E sistemanan contra-UAS ta yuda defende e units di forsanan arma y sistemanan di arma contra accionnan di enemigo. Tambe nan por ser uza pa proteha infrastructura no militar y procesonan den Hulanda,” segun e Ministerio.
