Comandante di flota marino den region Caribense ta organisa cada aña un ehercicio di horcan (Hurricane Excercise HUREX). E aña aki e ta tuma luga na Sint Maarten, Saba y Statia. Esaki segun un comunicado.
Durante e HUREX aki tur faceta di ayudo envolvi ora y despues cu un horcan pasa. Durante e ehercicio di horcan ta haci varios ehercicio y simulacionnan realistico di scenarionan di ora un horcan pasa. Por medio di e ehercicio aki e instalacion di marina na Sint Maarten y e di 32 raiding squadron, cual normalmente ta staciona na Aruba, ta haya orden pa keda den contacto cu autoridadnan local y despues di e paso simula di e horcan tin como tarea haci un calculacion di e dañonan y duna ayudo.
Ademas por instala e militarnan directamente unda ta necesario, por ehempel si tin mester pa pone blokeo di trafico, riot control, entre otro. Mientras esey ta encera e ayudo riba tera e Zr. Ms. Pelikaan tambe ta forma parti di e ehercicionan marino. Riba e Pelikaan ta transporta articulonan di ayudo y material riba lama, cual den scenarionan real tambe ta wordo uza pa e militarnan.
