Egipto a bisa cu arkeologonan a haya un puerto di 3mil aña pasa, unda tabata transporta piedra pa uza den construccion di tempel y obelisknan.
Minister di antiguedad a bisa ayera cu e puerto tabata situa cerca di e sitio arkeologico Gebel el-Silsila den Alto Egipto, cerca di e ciudad sureño di Aswan. E ta bisa cu e puerto ta data bek na e di 18 dinastia, cual tabata na poder entre 1543 pa 1292 B.C.
Abdel Moneim Said, director di e area di antiguedad Aswan y Nubia, a bisa cu piedra cu tabata extrae na Gebel el-Silsila tabata wordo uza den construccion di e tempelnan antiguo na Karnak y Kom Ombo.
Egipto a promociona un cantidad di hallazgo arkeologico recientemente, cu speransa cu e descubrimentonan aki lo fomenta turismo, cual a sufri un caida grandi durante e disturbio cu a reina despues di e protestanan di 2011.
