This photo provided by the Egyptian Ministry of Antiquities shows recently discovered ancient colored coffins with inscriptions and paintings, in the southern city of Luxor, Egypt, Tuesday, Oct. 15, 2019. The ministry said archeologists found at least 20 wooden coffins in the Asasif Necropolis, describing it as one of the “biggest and most important” discoveries in recent years. (Egyptian Ministry of Antiquities via AP)

Ministerio di Antiguedad di Egipto ta bisa cu arkeologonan a descubri sikiera 20 caha di morto traha di palo den e ciudad Luxor den sur.

Un declaracion breve for di e ministerio a bisa ayera cu arkeologonan a haya e cahanan di morto den e Asasif Necropolis. E necropolis, localisa den e pueblo antiguo di West Thebes, ta inclui grafnan for di periodonan Medio, Reino Nobo, y Laat (1994 BC te cu 332 BC).

Potretnan di e ministerio a mustra cahanan di morto colorido cu inscripcion y pinturanan. E ministerio a describi e hallazgo como un di e ‘mas grandi y mas importante’ den añanan recien.

E ministerio ta bisa cu lo revela mas detaye na un conferencia di prensa diasabra proximo.

Egipto a busca publicidad pa su descubrimentonan arkeologico, cu speransa di rebiba su sector turistico, cual a ricibi un golpi fuerte despues di e protestanan di 2011.