Un explosion na Egipto riba un bus yen cu turista, cerca di e piramid di Giza, a herida 14 persona, segun oficial di siguridad a informa.
E atake a sosode cerca e museo nacional di e construccion di e piramid, cu ta programa pa habri otro aña. Esaki ta e di dos atake contra turista den 6 luna, na man di militar arma cu ta den oposicion contra presidente Abdel Fattah el-Sisi.
Niun grupo a tuma responsabilidad pa e atake inmediatamente. Anteriormente, violencia conta turista a wordo reclama pa estado Islamico y otro grupo di Islam, cu ta arma y ta den oposicion na Abdal Fattah.
Cuatro persona, entre nan turista di Vietnam y un guia turistico, a perde nan bida den un atake di bom riba un bus di Cairo na december. No tin informe di inicial di esunnan cu a muri den explosion.
Riba rednan social ta mustra cu persona a bula for di e bus. Un agencia di noticia estatal a bisa cu e bus tabata carga 25 turista di Sur Africa, y cu mayoria di e 14 fayecidonan tabata di e mesun pais. No ta cla con grave nan situacion ta.
E Gran Museo Egipcio ta un proyecto prestigioso pa El- Sisi, kende ta den poder te cu 2030. E construccion ta un marca na e museo di 1 biyon di 2002. Funcionarionan ta bisa cu e ta programa pa habri na 2020. El- Sisi a bisa cu lo invita e dignatarionan mundial pa e ceremonia di apertura. Den un comunicado, un alto funcionario di e museo a bisa cu e explosion no a daña e museo, ni nan monumento.
