Universidad di ciencianan aplica di Utrecht a experimenta un aumento den cantidad di studiante cu kier bira interprete di lenguahe di seña.
E aña aki, 112 persona a registra pa su curso di lenguahe di seña, 33 mas cu un aña pasa. Un vocero a bisa NOS cu ta parce cu e aumento ta causa en parti pa e ‘efecto Irma’, haciendo referencia na interprete di lenguahe di seña, Irma Sluis. Sluis a bira un figura familiar na e conferencianan di prensa di gobierno y a gana reconocemento pa su uso di e lenguahe pa ‘hamsteren’, pa adverti hende pa no cumpra papel di WC y otro esencialnan di hogar den panico.
E universidad (Hogeschool Utrecht) a bisa cu ta complaci cu e respuesta publico pero a urgi potencial interpretenan pa no spera fama ni reconocemento. “E efecto Irma realmente ta bon, pero como interprete di lenguahe di seña bo no ta den spotlight”, el a bisa. “E ta algo cu bo ta haci pa otro personanan.”
