(NLTimes) – E universidadnan di investigacion y ciencia aplica na Hulanda ta bay ta permiti pa habri back na comienso di aña academico nobo, sin cu hende mester mantene un distancia fisico di 1.5 meter. Sinembargo, ta bay tin un cantidad maximo di studiante permiti den un local pa les.
Gabinete Hulandes ta bay anuncia esaki awe na e conferencia di prensa riba politica di coronavirus, segun fuentenan a bisa e editornan politico di RTL Nieuws. E detayenan precies di e condicionnan cu ta bay aplica na e institucionnan educativo ainda ta den discusion, segun e fuentenan. Fuentenan tambe a bisa NOS cu esaki ta bay ta e unico cambionan cu prome minister Mark Rutte y minister di Salud, Hugo de Jonge ta bay anuncia durante e conferencia di prensa awe tardi.
E prome cursonan di educacion avansa den e sistema di hogeschool, of universidadnan di ciencia aplica, ta bay cuminsa dia 30 di augustus proximo. E universidadnan di investigacion ta habri nan porta riba dia 6 di september. Na e momento ey no ta bay ta necesario mas pa tene un distancia di 1.5 meter den institucionnan educativo.
Fuentenan a bisa cu un maximo di 75 pa 100 studiante mag di ta presente den e local pa haya les. Esaki potencialmente ta bay ta un limitacion mayor pa lesnan masal den algun estudio, manera psicologia of economia.
Otro reglanan relaciona cu ventilacion y rutanan di un solo direccion pa cana ta bay ta aplicabel, segun e fuentenan a bisa NOS. Tambe por continua curashando testing voluntario pa coronavirus.
E gabinete ta bay tuma e decision final durante reunion di Conseho di Minister awe. E conferencia di prensa ta bay sigui pa 7pm ora di Hulanda.
