Manera ta conoci, Kidpreneur stichting ta un fundacion cu ta enfoca rba trece educacion financiero na muchanan. Den e edicion aki, Nancy Maya ta conta Bon Dia Aruba kico e fundacion tin planea pa e aña aki.

Segun Maya, e plan ta lansa un revista digital tocante educacion financiero pa mucha na Ingles, Papiamento y Spaño. E revista lo trata tocante e lifestyle, cultura y bida di un entrepreneur.  “E revista aki ta diseña pa inspira e futuro gamechangers nan di nos isla.

Nos kier enfoca riba e tema di education financiero y entrepreneurship via diferente medio nan. Nos tin nos camp millionaire cu ta un success, awo nos ta introduci financial “adventure” y nos lo kier pa nan tin nan mes un revista cu ta fun, educativo y motivacional enfoca riba un generacion di e siglo aki.” E ta bisa.

Enfoce riba mas chikito
Aña pasa, Kidpreneur stichting a presenta camp millionare cual tabata pa hobennan un poco mas grandi. Den e camp aki, nan a siña tocante con ta maneha financia y pakico e ta importante pa comprende con placa ta traha. E aña aki, e kier cuminsa cu un programa pa esunnan mas chikito ainda. “Nos tin diferente proyecto planea pa e aña aki, entre otro un programa yama “Aventura financiero cu ta muchanan di 3 entre 12 aña. E programa lo enfoca riba con ganamento di placa ta funciona, con peligroso tin debe por ta, con por disfruta di bida on a budget, e importancia di tin integridad y con imporante e ta pa duna bek. Tur esaki hinca den un contexto cu muchanan por comprende y interpreta facil.” Maya ta comenta. E miho parti di e curso aki ta cu por integra mayornan tambe.
Aruba Kidpreneur stichting
Manera a wordo publica den pasado,  ​Maya,​ ​a​ ​conta​ ​cu​ ​e​ ​plataforma​ ​di​ ​e​ ​fundacion​ ​ta educacional,​ ​pero​ ​e​ ​esencia​ ​di​ ​dje​ ​ta​ ​colaboracion​ ​y​ ​transformacion.​ ​Pues​ ​e​ ​fundacion​ ​mester​ ​tur e​ ​ayudo​ ​cu​ ​e​ ​por​ ​haya. ​Sra.​ ​Maya​ ​a​ ​subraya​ ​cu problemanan​ ​financiero​ ​a​ ​bira​ ​un​ ​tipo​ ​di​ ​epidemia​ ​na​ ​nos​ ​pais.​ ​Un​ ​crisis​ ​cu​ ​ta​ ​causa​ ​problemanan hopi​ ​grandi​. ​Problemanan

financiero​ ​ta​ ​contribui​ ​na​ ​hopi​ ​di​ ​e​ ​problema​ ​nan​ ​cu​ ​hende​ ​ta​ ​enfrenta​ ​awe.​ ​E​ ​stress​ ​cu​ ​ta​ ​asocia cu​ ​problemanan​ ​financiero​ ​tin​ ​un​ ​impacto​ ​emocional​ ​hopi​ ​fuerte​ ​riba​ ​hende.​ ​E​ ​epidemia​ ​di​ ​crisis financiero​ ​no​ ​ta​ ​solamente​ ​afecta​ ​hende​ ​individualmente,​ ​pero​ ​tambe​ ​e​ ​comunidad​ ​completo. Pesey e ta importante pa educa muchanan desde trempan.