Weekend ultimo, conocido cantante Edjean Semeleer ta realisando un bunita Parada Nacional di dande rond di Aruba, bishitando diferente bario di Aruba como tambe instancia social manera Maristella, Imeldahof, Casa Cuna, y hopi mas.
Deleitando tanto turista como local, coriendo rond den un trailer di musica partiendo bendicion di Dande, Semeleer a trece alegria y ambiente na henter Aruba cu un bunita regalo pa clausura aña 2024.
Cuminsando dia 28 di december, e Paranda Nacional di Dande a pasa Imeldahof pa 5pm, Centro Deportivo Frans Figaroa pa 6pm, area di High Rise hotel pa 7pm, y a clausura na kapel di Tanki Leendert pa 8pm.
Ayera dia 29 di december, e trailer a cuminsa na Casa Cuna pa 4pm, sigui pa Huize Maristella pa 5pm, Carnival Village pa 6pm, Centro di Bario Brazil pa 7pm, y a clausura na parkinglot di Club Estrella.
Y pa awe 30 di december, ta bay tin e ultimo anochi di e Paranda Nacional di Dante, cuminsando na Aeropuerto Internacional Reina Beatrix pa un drive by 4pm, sigui pa parkinglot di Thuiszorg Jaburibari pa 6pm, Centro di Bario Dakota pa 7:15pm, y ta clausura na SETAR Irausquin Plein na Oranjestad di 8:30 pa 9:15pm.
E Paranda Nacional di Dande di Edjean Semeleer tabatin un tremendo acogida, cu hopi riba rednan social pidiendo pa e pasa mas bario pa comparti su bendicionnan di Dande cu su talentoso y bunita voz.
Sigur un gesto di aprecia pa e temporada aki pa trece alegria y bon ambiente den comunidad. Danki Edjean!
