Decena di bombero tabata purba desespera pa stop e candela masivo cu tabata destruyendo hotel Claremont na Eastbourne, un ciudad turistico entre esunnan mas bieu di e pais.
Tur huesped di hotel a keda evacua pa nan siguridad for di e hotel cu ta keda dilanti lama. E explosion a sosode alrededor di 9or di mainta den un sotano. Sikiera 60 bombero y un decena di truck di bombero tabata na e escena, mientras e candela a continua saca huma diki, conduciendo na advertencia na residentenan pa tene nan bentana cera.
E candela a produci cinco aña cu Pier Eastbourne, 140 aña bieu, a cende na candela cu a cuminsa ‘deliberadamente’.
Un testigo a bisa cu e candela tabata grandi. El a cuminsa na e parti patras di hotel, ‘awo ta henter hotel na candela’. E ta bisa cu hende ta keda core y tin hopi huma.
Vocero di servicio di bombero y rescate di East Sussex a bisa cu nan ta trahando duro pa stop e propagacion di un candela mas grave na e hotel di Eastbourne. Polis, bombero y grupo di rescate di West Sussex ta dudando nan sosten.
A evacua henter e hotel di un forma sigur y paradero di tur persona ta conoci. Comandante di incidente y assistent di hefe di bombero, Mark Andrews a bisa cu e incidente ta grave y cu e candela a brota mucho lihe.
“Tin huma considerabel den aire y nos ta recomendando tur persona pa mantene nan porta y bentana cera. E accion lihe di e personal di hotel pa tur hende sali sin ningun problema, nos ta agradecido cu nan esfuerso”, Andrews a bisa. Caminda banda di area ta keda cera.
