BANGLADESH – Riba diahuebs, un candela na un edifIcio cu oficina di varios piso na e capital di Bangaladesh a mata 7 persona y herida 28 otro segun autoridad a bisa.
Hopi persona tabata trapa den e edificio, pero oficial a bisa cu despues di lucha pa varios ora, mayoria a wordo salba. “E situacion ta bou control”, Debashish Bardhan di departamento di brandweer y director di defensa civil.
Segun sr. Bardhan a bisa cu ta candela a perde intensidad pero no a paga full. E hefe policial di Banani, Forman Ali a bisa reportero cu 7 persona cu 28 persona herida. Helicopter militar a uni na operacion di rescate, y un persona colga na un helicopter. Un grupo di persona a huy for di e dank pa asina ser rescata pa brandweer.
Un testigo, Sajih Hasan, a bisa cu algun persona tabata grita pa pidi ayudo for di bentana na piso nan mas ariba. E huma pisa a cuminsa bay, anto esaki a pone cu esfuerso por acerca pa asina rescata algun persona mas.
E area unda e candela a tuma luga ta un districto comercial ocupa cu varios edificio, universidad y restaurant. Tushar-or-Rashid, un trahado di Vivid Holidays compania di tour na e edificio a bisa cu e candela a cuminsa di ariba.
“Henter nos staf ta pafo sigur, pero nos no sa kico a pasa cu hende cu ta biba na edificio mas ariba”, sr. Rashid a splica. E edificio tin den total 21 piso. Candela asina ta comun na Bangladesh.
