26 persona a keda herida, entre nan cinco menor di edad, despues cu e edificio Torres de Andalucia, den norte di Bogota, a explota.
E emergencia a tuma lugar diadomingo marduga. Pedro Higuera, hefe di bombero di Bogota a splica cu un ekipo ta evalua henter e structura di e edificio y nan ta traha riba un control di e gas cu por ta presente den e lugar, pa asina haya sa e causa real di e explosion. E prome hipotesis ta cu un acumulacion di gas a causa e suceso aki. Entre e hendenan cu a keda herida, tin 11 muhe, 10 homber, 3 mucha muhe y dos mucha homber. 7 persona mas a haya atencion medico na e lugar, pasobra nan tabatin herida leve y no mester a bay hospital.
