(Infobae) Agencia di Regulacion y Control Fito y Zoosanitario di Ecuador (Agrocalidad) a informa cu e prome lote di vacunanan contra griep aviar a yega na e pais y cu durante ultimo siman di februari, nan ta bay cuminsa cu e aplicacion di esaki den e poblacion.
Den un prome fase di vacunacion tin planea vacuna e poblacion avicola di e fincanan cu “ta cumpli cu e implementacion di medidanan di bio-siguridad, resultadonan negativo di pruebanan diagnostica, medico veterinario responsabel y mester a registra den e agencia.”
Di acuerdo cu e entidad, pa garantisa e aplicacion y uso optimal di e vacuna, Agencia ta cumpli cu control di calidad, cu base den standard di Organisacion Mundial di Sanidad Animal (OMSA).
Segun Agrocalidad, e vacuna “ta un herment cu ta complementa cu e vacunanan di bio-siguridad” y a reitera cu no ta constitui un riesgo pa ser humano. E vacuna aki ta priminti disminui e cifra di mortalidad di 80% pa 40% aproximadamente, pero no ta evita e contagia pa otro fincanan.
Segun agencia di regulacion, cuminsamento di februari, e Subcomite Tecnico di Comision Nacional di Avicultura a recomenda e uso di vacunanan contra influenza aviar. Pa abastece di vacunanan, e institucion a realisa un convocatorio habri y a contrata un empresa cu a haci gestion pa importacion di e 4 miyon dosis.
Ademas, ta spera cu un di dos lote lo yega na e pais den proximo simannan. E biaha aki e importacion a wordo autorisa pa e empresa Boehringer Ingelheim di Ecuador CIA. LTDA.
Griep aviar tambe yama griep avicola of influensa aviar, hasta griep di galiña of di parhanan, ta haci referencia un malesa infeccioso viral cu ta afecta e parhanan, aunke por infecta un variedad di otro bestianan, porconan, pushinan domestico y hasta ser humano.
