(infobae) – Forsanan Arma di Ecuador, den coordinacion cu Polis Nacional a descubri un laboratorio clandestino ilegal pa procesamento di clorhidrato di cocaina. E operacion militar a tuma lugar den e sector di La Barquilla, den provincia Amazonico di Sucumbios, den frontera nort oriental di e pais.
E operativo tabata denomina Polea, cual su grado di dificultad tabata mayor pasobra e personal uniforma mester a drenta den un zona di selva. E laboratorio tabata funciona na un distancia aproxima di 15 kilometer for di e frontera cu Colombia.
Segun minister di Interior, Juan Zapata a informa, na e lugar “a decomisa varios elemento pa e procesamento di cocaina.” E agentenan a recoge diferente indicio pa continua cu e investigacion y identifica esnan responsable.
Tanto Forsanan Arma como Polis Nacional a informa tocante e operativo exitoso cu a resulta den e hallazgo y decomisacion di indicionan di e laboratorio clandestino ilegal. Ademas, e Forsanan Arma a informa cu un persona a keda deteni pa personal di Polis, mientras cu e cristalizadero pa e refinamento di pasta base di cocaina a keda destrui pa e personal di inteligencia militar.
Na e sitio, autoridadnan a decomisa 4mil galon di acetona, 100 galon di destilado, un carabina, 4 cartucho caliber 16; 9 microwave, 15 saco di cloruro di calcio, 5 canica di acido, 4 balans, un vacuum packing, un generator electrico, 110 galon di diesel, 1 stoof chikito, 2 cilinder di gas y 2 polea.
Segun e Forsanan Arma a indica, e cristalizadero tabatin capacidad di produccion di dos ton di cocaina pa luna. Ademas tabata conta cu un capacidad di alohamento pa alrededor di 25 pa 30 persona.
