E oficialista Lenin Moreno y e opositor Guillermo Lasso a enfrenta diadomingo den un proceso di eleccion na Ecuador, pa asina defini e sucesor di Rafael Correa, na luna di mey proximo.
E proceso di eleccion a sucede den un ambiente yen di tension dilanti di preocupacion pa enfrentamento y situacion di violencia na momento cu ecuatoriano a bay na centro di votacion na fin di hornada, pa asina cuida votonan na sede di Conseho Nacional Electoral.
Na ecuador a enfrenta dos tendencianan, un di nan ta e tendencia di e populista sistema, conoci como socialismo di siglo XXI, cu ta defendi y apoya pa Moreno, ken ta sigura cu pueblo di ecuador no por permiti cu e pais bolbe na pasado bek, y asina laga di un banda e avance y logronan cu gobierno di Correa a haya den ultimo 10 aña di gobierno. Y di otro banda ta e tendencia di Lasso, representante di derecha, cu a haya apoyo di varios grupo di izquierda, te logra haya apoyo for grupo di izquierda radical, cu tabata busca un cambio cu por garantisa libertad y derechonan na Ecuador.
Mas di 13 miyon di ecuatorianonan a participa den proceso di votacion desde 7 di mainta. E proceso di eleccion a cuminsa diahuebs, ora cu 38 centro di detencion unda ta convivi prizoneronan sin sentencia a eherce nan derecho di voto. Diabierna a continua e proceso tambe na cas di persona cu ta presenta discapacidad fisico severo.
Organisacion no gubernamental Participacion ciudadano cu ta apoya pa 2mil boluntario, a traha den conteo lihe di votonan. Resultadonan tabata spera pa conoce cerca di 8 or di nochi.
Den prome buelta electoral cu a tuma lugar dia 19 di february, e binomio conforma pa Lenín Moreno hunto Jorge Glas obtuvo 39.36% di voto, mientras cu e binomio entre Guillermo Lasso-y Andrés Páez a logra un 28.09%.
Na ecuador e voto ta obligatorio pa henter ciudadano mayor di 18 aña, y tambe pa persona mayor di 18 cu ta detene y sin sentencia condenatorio. E voto ta opcional pa persona entre 16 y 18 aña di edad y hende mayor di 65 aña, y tambe pa persona cu ta biba na exterior y cu ta registra eynan, ta facultativo tambe pa efectivo di forsa arma y polis nacional activo, persona cu algun incapacida, persona analfabeto, stranhero cu ta biba legal na ecuador durante 5 aña si tin mas di 16 aña di edad y cu ta inscrito den registro electoral.
Lasso y Moreno a duna un yamada pa bay dilanti di centro di votacion pa cuida resultadonan, situacion cu a profundisa e crisis y polarisacion dilanti di hopi rumor di campaña sushi y hopi violencia. Diamars cu a pasa violencia a bin dilanti ora cu Lasso, su casa y su yiu a ser agredi cu palo, boter, y otro instrumento na momento cu tabata sali for stadion Oimpico Atahualpa, caminda nan tabata mira un wega entre Ecuador y Colombia.
Autoridad a reforsa seguridad na Conseho Nacional Electoral, na hunta provincial, centro di procesamento di resultado, recinto di trasmision y publicacion di actanan. Awor e operativo di siguridad ta continua cu obhetivo di garantisa seguridad y normalidad den henter proceso, cu a cuminsa cu eleccion y ta continua cu conteo di voto y proceso di aceptacion di resultado.
Campana electoral a finalisa diahubs oficialmente, pero diadomingo ainda pueblo ecuatoriano a sinti algun presencia di campana riba red socialnan. Awe e triufador a cuminsa a perde su sono, pasobra a cuminsa planifica un strategia pa enfrenta e crisis cu ta biba Ecuador, marca cu un halto debe externo e interno, hunto otro cantidad di problema. Ayera a ser nombra como e dia di huicio final na Ecuador, pa motibo di problema entre tur dos partido cu a participa den proceso di eleccion.
