(Infobae) – Secretaria di Gestion di Riesgo awe ta bay presenta un plan pa combati e efectonan di fenomeno El Niño, na e evento ta bay ta presente e presidente di republica, minister y autoridadnan sub-nacional. A adopta e medida aki durante e sesion permanente di Comite Nacional di Operacionnan di Emergencia dia 6 di juni ultimo.
Fenomeno El Niño ta un evento climatico periodico cu ta afecta specialmente e regionnan costero di Ocean Pacifico, debi na diferencianan di temperatura den e partinan central y oriental di e Pacifico ecuatorial. Ecuador a haya su efectonan na 1982 y 1997, loke a causa hopi morto, daño considerabel den cultivo y infrastructura, como tambe perdida economico miyonario. Entre oro paisnan afecta ta Colombia, Peru y Chile.
Director di Instituto di Oceanografia y Antartida (INOCAR), capitan di Navio Carlos Zapata, ken ta presidi Comite Nacional di Investigacion Regional di El Niño (ERFEN), a elabora un protocol di monitoreo den colaboracion cu Secretaria di Riesgo. E protocol aki ta basa riba e Indice di El Niño Ecuatoriano y ta monitoria estado di oceannan y atmosfera, estableciendo nivelnan di alerta. Segun e funcionario a splica, actualmente e organonan di control di oceannan ta den un estado di vigilancia y siguimento corespondiente na nivel di alerta geel. E nivelnan di alerta ta clasifica den orden ascedente, for di blanco, geel, oraño te cora.
Dia 15 di mei ultimo, Secretaria di Gestion di Riesgo a emiti un alerta geel debi na posibilidad di eventonan di El Niño na 17 di 24 provincia na Ecuador. Na medida cu luna di juli te acerca, ta sigui monitoria e presencia di e fenomeno aki, sinembargo, Administracion Atmosferico y Oceanico di Merca a aumenta e probabilidad di e evento aki pa e trimester, pasando di 56% pa 80%.
