(AP)—Un candidato presidencial na Ecuador, ken recien a priminti pa caba cu corupcion y cera e “ladronnan” den e pais, a ser asesina durante un rally politico den e capital mientras cu e pais ta sufri di crimenan di droga y violencia.
Fernando Villavicencio, 59, ken tabata conoci pa papia contra e cartelnan, a ser asesina diaranson, menos cu dos siman prome cu un eleccion presidencial special. E no tabata un di e “front-runners”, pero su morto a causa mas sentimento di crisis rond crimen organisa cu ya a tuma bida di miles di bida y a subraya e reto cu e proximo lider di Ecuador lo enfrenta.
Video di e rally na Quinto, cual a ser publica riba red social, ta mustra Villavivencio canando bay for di e rally rondona cu guardanan. Despues e candidato a subi un van blanco, prome cu a tende tiro, sigui pa gritamento y conmocion rond di e auto. E secuencia di e evento a ser confirma na AP pa Patricio Zuquilanda, ken tabata e consehero di campaña di e politico.
E candidato anti-corupcion a ricibi al menos tres menasa di morto prome cu e incidente y e reporta esaki na autoridadnan, cual a resulta den un detencion, segun e consehero a bisa. E asesinonan a tira un granat riba caya pa asina nan por huy, pero esaki no a explota.
Operacionnan conduci den diferente sector di Quito a resulta den seis detencion. Un sospechoso a muri den costudia for di heridanan obteni durante un tirateo, segun e oficina di procurador general a bisa. Presidente Lasso a sugeri cu e matamento por ta conecta cu crimen organisa y a insisti pa sigui cu e eleccion plania pa dia 20 di augustus. El a declara tres dia di luto nacional y un estado di emergencia cu ta envolvi desplegando personal militar den henter e pais.
Den su ultimo discurso prome cu el a muri, Villavicencio a priminti e audiencia cu e lo bringa corupcion y encarcela mas criminalnan. El a haya menasa di afiliadonan di e Cartel di Sinaloa na Mexico, un di e gruponan internacional di crimen organisa cu awo ta opera den Ecuador. El a bisa cu su campaña ta representa un menasa pa e gruponan aki.
Villavicencio tabata un di e bosnan mas critico den e pais contra corupcion, specialmente durante e gobierno di Presidente Rafael Correa. E tabata un reportero independiente ken a investiga corupcion den gobiernonan anterior prome cu el a drenta politica como un campañante anti-corupcion. Su morto a haya como respuesta un ola di peticion di parti otro candidato cu ta demanda accion, cu front-runner presidencial, Luisa González, bisando “ora nan touch un di nos, nan ta touch nos tur.”
