(Reuters) – E economia di Mexico a crece cu un 24.8% den luna di mei, compara cu e mesun luna aña pasa, un recuperacion di un caida fuerte pa motibo di e pandemia di coronavirus, un estimado preliminar publica pa e agencia nacional di estadistica INEGI a mustra diahuebs.
Un analisis di e cifranan a mustra cu actividadnan secundario, cual ta inclui fabricacion, a subi cu un 36.4% for di mei 2020. Mientras tanto actividadnan tercera, cual ta encera e sector di servicio, a expande un 19.8% durante e mesun periodo.
Si e estimado preliminar keda confirma, e actividad den luna di mei ta solamente 0.4% abou di e nivel di e actividad den luna di februari 2020, e ultimo luna completo prome cu restriccionnan relaciona cu e pandemia a cuminsa debilita e economia, segun indicacionnan compila pa INEGI
INEGI a reporta cu e data di e luna di april a wordo revisa y ta mustra un crecemento di 21.6% compara cu e mesun luna den 2020, un porciento mas halto cu e estimado anterior.
E agencia tambe a bisa cu e cifranan preliminar ta punta na un crecemento economico di luna pa luna di 0.5% entre april y mei.
E pandemia di coronavirus a dal e economia Mexicano duro aña pasa, reduciendo e producto domestico bruto cu un 8.5%. Den 2021, e minister di financia a bisa cu e economia mester crece cu un 6.5%, recuperando hopi di tereno cu a wordo perdi.
Actividad di exportacion robusto a yuda dirigi e recuperacion, cual a beneficia hopi di e gasto di estimulo economico na Merca, e top partner di comercio di Mexico.
