(NLTimes) – Economia Hulandes ta mustrando señal di recuperacion cuminsando for di segundo kwartaal di e aña aki despues di e golpi historico na e GDP aña pasa. Recuperacion ta tumando luga asina rapido cu GDP por eclipsa nivelnan pre-pandemia pa fin di aña, segun Banco Central Hulandes a calcula den nan reporte semi-anual.
“Compara cu seis luna atras, e pronostico claramente a mehora, a pesar di ehecho cu e pandemia y e medidanan di restriccion a desaroya menos bon cu a spera na december”, e Banco Central a declara.
Pa e aña aki, ta spera un crecemento di 3.0 di GDP. E recuperacion lo continua rapidamente proximo aña cu un crecemento di 3.7%, despues di cual e tasa di crecemento lo normalisa na 1.9% durante 2023, Banco Central a pronostica. E calculacion ta basa riba e asuncion cu restriccionnan di coronavirus lo continua siendo elimina, cu mayoria di nan completamente elimina pa comienso di 2022 pa motibo di un bon lansamento di e programa di vacunacion contra Covid-19.
E recuperacion spera ta parce di ta progresando mas facilmente compara cu e crisis financiero na 2008. Banco Central a inclui dos calculacion alternativo ademas di nan proyeccion principal pa motibo di un grado halto di incertidumbre durante e crisis di salud andando. Segun e miho escenario, e crecemento di GDP na 2021-2023 lo ta un averahe di 0.4% mas halto compara cu e calculacion principal. Esaki lo sucede si e pandemia ta completamente bao control pa fin di tercer kwartaal.
Den caso cu e medidanan di coroanvirus keda na vigor te 2023 pa motibo di variantenan nobo di coronavirus, e crecemento di GDP lo por ta menos cu un averahe di 1.1 punto porcentual pa aña.
