(NLTimes) – Produccion y consumo na hulanda ta causando casi 40 biyon euro den daño na biodiversidad. E daño ta bini for di uso di tereno di manera cu no ta sostenibel, emision di gasnan y polucion di awa y tera, ABN Amro a reporta basa riba un estudio haci pa e banco y Impact Institute.
E estudio a registra e daño causa pa 65 industria via trafico cu 140 pais y e uso di 42 tipo di producto. Segun e banco, e ta esencial, tambe economciamente, pa haci menos daño na biodiversidad. “Pasonan radical” ta necesario pa esaki, segun e banco.
Biodiversidad ta regula tur cos for di clima y ciclo di awa na e purificacion di awa y aire, deshaci di sushi, reproduccion di plantanan y plama simia. E daño na e biodiversidad pa e motibo aki ta causa un perdida na e balor pa e servicio na ecosistema manera produccion di cuminda, wardamento di carbon y filtracion di awa y aire tanto na Hulanda como internacionalmente tmabe. Mas di mita di e mundo su economia ta depende riba e serviconan di ecosistema aki for di naturalesa.
Segun e investigadornan, un gran parti di e daño causa na e economia Hulandes no ta tuma luga na e industrianan aki mes sino na e clientenan of e proveedornan. 70 porciento di e daño aki ta tuma luga via partnernan den exterior, manera importaciona di cacao cu ta coincidi cu mal uso di tereno na Ivory Coast y Ghana of e importacion di carni cu e polucion di awa na Argentina.
Segun e investigadornan, e yabi pa soluciona e crisis di biodiversidad no ta solamente den e sector di agricultura of industria di cuminda. Hunto, e sectornan aki ta responsabel pa un kwart di e daño. Sinembargo e uso di IT pa medio di banconan of negoshinan tambe ta causa daño ambiental pa medio di consumo halto di energia den centronan di dato y uso di metalnan den e productonan, por ehempel.
