Segun director financiero di APA Humphrey Tromp, APA a conoce un crecemento 5% extra di importacion di container y bulk.
Esey ta nifica cu e economia ta creciendo. A base di importacion bo ta midi esey. Apart di e extra containernan ey, a logra tambe cu e ultimo dos barconan crucero cu a drenta, e cantidad record di 815 mil crucero cu a yega den 2018.
A yega un record aña pasa unda cu a surpasa 700 mil, y e aña siguiente a surpasa 800 mil.
APA ta traha riba e infrastructura pa por sigui acomoda e barconan ey. E barconan ta birando cada bes mas grandi. Ta haciendo inversionnan cuantioso. APA ta trahando duro cu ATA y ministerio riba e tereno ey. Tin cu bay wak e ora con e pueblo di Aruba por carga e cantidad di turista cu trece. Mas sigui crece, e ta bin cu ne cu su peso y tin cu wak esey.
A dredge e aña aki y lo tin cu sigui dredge. Tin cu bay amplia no solamente e salida, pero kisas tambe e entrada. Director nautico, Erwin Giel, ta den contacto estrecho cu e liñanan crucero, unda cu lo bay delinea kico tur mester haci pa acomoda e barconan cu ta birando cada biaha mas grandi.
Barconan mas grandi cu ta bin cu 5000 turista den un solo bes, ora tin dos tipo di e barconan aki, ta haya un cantidad di mas di 10 mil turista crucero.
Hunto cu otro partnernan den e industria di turismo crucero, cual ATA ta un di nan cual APA ta traha hopi estrecho cu ne, pa wak con por duna e turista, na momento cu e yega, e comodidad y siguridad, loke ta importante.
Dos record cu a logra e aña aki.
A haya aprobacion pa sigui cu e desaroyo di e Port City. Un proyecto hopi grandi cu ta bay tin su acceso pa e comunidad di Aruba. Gran parti di e tereno ta bay ta duna acceso na e comunidad bek, pa e yega cerca di lama, pa tin actividadnan eyriba cu nan famia, etc.
Ta un proyecto hopi bunita, segun Tromp, unda cu sigur na comienso di aña lo bay suministra mas informacion riba esey.
Aña di inversion
Despues cu e mudamento a tuma luga, tabata un puerto cu tabata combina, solamente pa turista y carga. Cierto inversionnan no por bay haci pa turista so. Awo cu mudamento ta cla, lo bay inverti hopi y haci e puerto di Oranjestad accesibel pa e barconan mas grandi y mas comfort.
Ta bay cumpra fendersnan nobo. Ta bay inverti den bouldersnan, drecha e tereno unda cu e hendenan ta cana y wak kisas e facilidad. E Cruise Terminal tabata tin loodsnan bieu, cual den pasado a converti nan den terminal. Awo lo bay wak con ta sigui cu e parti ey.
No por bisa cu e lo bay keda den e formato ey. Kisas lo cambia e formato y hacie hopi mas bunita.
