Den e fin di siman venidero, e federacion di atletismo lo tin su campeonato nacional di atletismo den stadion Guillermo Prospero Trinidad na Dakota. Mester bisa cu esaki lo ta di 54 edicion di e campeonato nacional cu e aña aki un bes ta premira di bira grandi mirando e cantidad di atletanan cu lo competi. Mester bisa cu e diferente clubnan di atletismo ya e registra nan atletanan.
Mester bisa cu diabierna lo inicia cu e ceremonia di apertura pa 5or di atardi tras lo sigui mesora pa e diferente competencianan. Lo bay tin competencia den e disciplinanan di hurdle, 60m sprint, Hepta, Octa, Long Jump, Shotput, Mixed relay 80 y 100m sprint, 400m y 200m, High jump, Discus throw, 1500 y 5000m y 4x100m relay. E categorianan lo bay ta den U9-10, 11 – 12, 13 – 14, U15, Open esaki den femenino y masculino. Na final lo haci entrega di medaya na tur ganado di e dia di competencia. Pa su siguiente dia esta diasabra e competencianan lo continua den e parti mainta cu tur e disciplinanan den e diferente categorianan mientras pa 11or di mainta lo entrega e medayanan na e ganadonan. E deporte di atletismo a fomenta su mes den bon forma sigur e ultimo añanan caminda nos hobennan ta saca cara di nos isla den e diferente competencianan den exterior.
Un ehempel sigur ta e atleta di salto largo Quincy Breell cu a competi den weganan grandi den nos region y continente logrando bon resultado pa Aruba.
