E universo ta sigui keinta na medida di su behes, cientificonan a bisa. Un investigacion nobo a explora e temperatura di e universo durante e proximo 10 mil miyon di aña den un intento di compronde su “historia termico”
Nan a descubri cu e temperatura medio di e gas den tur e cosmos a aumenta mas cu 10 biaha desde e periodo ey y awe e ta situa den torno di dos miyon, grado Celsius.
E investigacion, publica luna pasa na Astrophysical Journal, basa y confirma e trabou di Jim Peebles, ken a gana e Nobel di Fisica 2019 door di su trabou tocante e structura di e gran escala di e universo. E keintamento ta un resultado di e structura ey y manera tempo ta cambia, manera resultado di e movemento di e galaxianan y comulonan di e galaxianan.
“Na medida cu e universo ta evoluciona, e gravedad ta atrae material scur y e gas den e espacio pa forma e galaxianan y comulonan di galaxia” YiKuan Chiang a bisa, autor principal di estudio. “E zona ta violento, asina violento cu cada biaha mas gas ta descarga y ta keinta.”
Pa verifica e temperatura di e universo, e investigadonan a idea un forma cu a permiti nan estima loke tabata mas leu di e planeta, cu ora ta wordo observa desde patras durante tempo y compara cu aproximacionnan di e calor cu ta wordo absorba mas cerca di nos, tanto fisico cu manera den e tempo.
E medidanan ey a wordo recopila utilisando diferente propiedadnan di luz. Por a evalua e distancia uzando “color cora”, un efecto cu ta pasa den luz cu ta bisa mas cora na medida cu e biaha ta wordo alarga door di e universo y lo por evalua e temperatura cu e mesun luz ey.
E diferencia entre tur dos a permiti nan compronde e cambio a lo largo di tempo y a demostra cu e tabata birando mas cayente y cu probablemente lo sigui cu tempo.
“Nos a midi e temperatura a lo largo di historia di e universo,” Brice Menard a bisa, profesor di fisica y astronomia di John Hopkins. “Na medida cu tempo ta pasa, tur e comulonan ey di e galaxianan ta bira mas y mas cayente pasobra su gravedad ta atrae cada biaha mas gas cerca di dje”
