Bucuti & Tara Beach Resort, Aruba, ta forma parti di e importante coleccion mundialmente
Bucuti & Tara Beach Resort, Aruba ta anuncia su debut como un Hotel/Resort prestigioso cu a gana e Forbes Travel Guide Recommended Award. Forbes Travel Guide, e sistema di ratificacion global pa hotelnan di luho, restaurantnan y spa, a anuncia awe su premionan Star pa 2024.
Bayendo mas leu cu paisahenan impresionante
Forbes Travel Guide ta e unico sistema di ratificacion global pa hotel di luho, restaurantnan, y spa. E unico manera pa ser considera pa e honor aki ta pa medio di un proceso di inspeccion independiente. Nan inspectornan profesional anonimo ta evalua un propiedad contra 900 obhetonan cu standardnan exigente, poniendo enfasis ariba servicio excepcional, pa yuda biaheronan exigente selecciona e mihor experencianan di luho den mundo. Bayendo mas leu cu paisahenan impresionante, Forbes Travel Guide ta pone enfasis ariba servicio excepcional indicando cu con un bishita ta pone un huesped sinti ta locual ta conta mas.
Inspeccion anonimo ta revela “Bo lo sinti hopi bon pa keda aki, den tur sentido”
E ultima edicion di Forbes Travel Guide su lista anual di Clasificacion Star ta pone Bucuti & Tara na un nivel halto pa cu su compromiso firme na romance, bienestar y sostenibilidad. For di e anotacionnan di e inspector di hotel ta resalta e combinacion di un consehera personal pa cada pareha cu ta inclui itinerarionan altamente personalisa. Ta curasha huespednan pa experencia e programa di bienestar dedica di Bucuti & Tara dirigi pa specialistanan di bienestar certifica, y pa haci e spa un parti di nan experencia di vacacion multisensorial. Culineria ta wordo celebra pa su cena romantico riba beach, su enfoke balansa, porcionnan saludabel, y e SandBar exclusivamente reserva pa huespednan.
Pa esnan aventurero, itinerarionan di tera y lama ta duna huespednan e oportunidad pa disfruta di e paisahe y bida salvahe di e isla hunto cu su awanan turquesa ideal pa snorkel entre bida marina of nabega riba lama.
E recomendacion ta inclui e exito di sostenibilidad di Bucuti & Tara mientras e resort ta sigui su caminda pa certificacion Net Zero. Aceptando practicanan consciente pa naturalesa, Forbes Travel Guide ta elogia Bucuti & Tara pa sobresali como e resort cu tin e mas certificacion eco den Caribe y pa ta e prome resort certifica carbon-neutral. Bucuti & Tara a ricibi e Premio Global di Nacionnan Uni 2020 pa Clima Neutral awor, un distincion cu generalmente ta reserva pa companianan internacional grandi, e boutique hotel aki cu 104 acomodacion ta un berdadero pionero eco. Forbes Travel Guide ta comparti, “Keda aki no solamente ta ofrece un experencia unico y intimo, sino tambe ta laga huespednan sinti nan mes bon tocante nan impacto ambiental den tur sentido.”
“Ta un placer distinto pa tin Bucuti & Tara Beach Resort, Aruba, debutando como un propiedad recomenda pa Forbes Travel Guide, y resonando cu e punto mas halto di standardnan door di wordo reconoci como un sinfonia di luho relaha, servicio personalisa y experencianan unico, cu ta respeta otro y nos planeta comun,” Ewald Biemans, Donjo/CEO di Bucuti & Tara Beach Resort, Aruba, ta comparti.
“E premionan Star di e aña aki ta refleha e crecemento pronostica den demanda pa experencianan di biahe mas entusiasma,” segun Amanda Frasier, Presidente di Cualificacion pa Forbes Travel Guide. “Bucuti & Tara Beach Resort, Aruba ta ofrece na e nivel mas halto di nan habilidad y ta reimagina e futuro di luho den diseño, cena y bienestar. Nos ta elogia tur e ganadornan di 2024 pa continuamente ofrece un experencia nobo y refrescante pa huespednan.”
Pa mas informacion bishita www.bucuti.com
