(Gizmodo)—Dokternan ta bisa cu nan lo a cura un otro persona cu HIV uzando un forma di transplante di stemcel specialisa. E pashent a keda sin HIV pa 6 aña y ta e prome hende muhe pa tin exito cu e procedura. Dokternan a uza un metodo cu ta transplanta stemcel for di e sanger di un miembro di famia y e cuerde umbilical di e pashent—un metodo cu por haci e transplantenan aki mas factibel.
Segun e estudio riba e caso aki, e muhe su HIV a keda den supervision un bes cu el a haya diagnosis. Desafortunadamente, 4 aña despues, el a desaroya Leukemia, pero e combinacion di e dos malesanan a haci cu el a bira un candidato adecua pa e procedura aki. Mayoria biaha, transplante di stemcel ta wordo uza pa trata Leukemia, mirando cu nan por restaura e sistema immuun di un persona despues di tratamento cu ta purba destrui e cancer. Por medio di e tipo di transplante aki, un persona cu ta carga un mutacion cual ta haci nan resistente contra infeccion di HIV pa un hende cu tambe tin HIV, e speransa ta cu bo por transferi e resistencia ey tambe, cual ta permiti e curpa destrui e virus permanente.
Te dia di awe, e transplantenan aki a depende riba stemcel tuma for di donantenan adulto cu e mutacion yama CCR5-delta32/32. Pero e hende muhe a drenta den un estudio cu ta test sanger for di e cuerde umbilical, esta e prueba IMPAACT P1107. Transplantenan di stemcel di donante ta rekeri compatibilidad entre donante y beneficiario, y adultonan cu ta carga e mutacion CCR5-delta32 ta un donante poco comun. Pero stemcel tuma for di sanger di cuerde umbilical mester solamente un compatibilidad parcial cu a beneficiario, cual lo mester haci nan un opcion mas practico. Esey ta specialmente importante pa populacionnan cu diversidad den rasa, pasobra cu nan tin menos chens pa haya compatibilidad cu otro hende. Pa mehora e probabilidad cu e procedura ta traha, dokternan mester transplanta stemcel for di un miembro di famia cu tin compatibilidad parcial cu e pashent, pa cual e celnan aki ta actua como un brug temporario prome cu e otro stemcel reconstrui e sistema immuun.
E hende muhe a ricibi un transplante den augustus 2017. Desde e tempo ey, el a experencia algun complicacion kisas relata na e procedura (mas tanto infeccionnan sin sintoma), pero su nivel di HIV a keda indetectabel mientras el a keda riba tratamento. Casi 3 aña despues, dokternan a dicidi di stop e tratamento pa HIV completamente. Awo, 6 aña despues di e transplante, e muhe ainda no ta mustra ningun señal cu su cancer of HIV a debolbe.
Desafortunadamente, e tratamentonan aki no por cambia pa un cura pa HIV solamente. Transplante di stemcel ta un procedura cu hopi riesgo y por tin complicacionnan grave. E riesgonan ta menos cu e beneficionan pa hende cu Leukemia of otro condicion similar, pero no pa un persona cu solamente HIV, cual por wordo maneha efectivamente cu medicamento.
Pero den esnan bibando cu HIV cu a desaroya e condicionnan aki, e proceduranan aki di transplante por bira un dos-pa-un curacion. Actualmente, e reto mas grandi ta pa haya hende compatibel, pero di sanger di cuerde umbilical prueba di ta un recurso fiho, esey mester habri e pool di donantenan.
E autornan di e estudio a nota si cu un otro persona a haci e procedura aki, pero e transplante a fracasa den un periodo di 1 aña. E cancer di e pashent masculino a debolbe, y el a sigui mustra señal di HIV den su sistema. Pues cientificonan mester busca manera pa mehora e grado di exito di e procedura.
