( Msn.com/Reuters.com ) – E trucknan electronico por competi economicamente cu e trucknan diesel na medida cu e tecnologia di e baterianan mehora rapidamente, segun a mustra diahuebs un estudio di e grupo di expertonan cu sede na Suecia, e Instituto Ambiental de Estocolmo (SEI).
Un cambio ecologico den e sector di transporte, cu ta genera aproximadamente un cuater parti di e emisionnan mundial di dioxido di carbono, ta considera importante pa yuda alinea cu e obhetivonan climatico acorda na nivel mundial.
E trucknan cu ta funciona cu baterianan diariamente a descarta pa ta demasiado costoso pa reemplasa e trucknan diesel den hopi capacidadnan, cu baterianan demasiado pisa pa e transporte di largo distancia.
Pero e investigadonan di SEI a bisa cu awo lo vislumbra un punto di inflexion.
“E tecnologia di e bateria ta hopi cerca di un umbral cu ta haci cu e trucknan electrico sea viabel y economicamente competitivo. Tur loke falta ta un componente complementario : e carga lihe”, Bjorn Nykvist, investigadonan principal di SEI.
E estudio, cu a evalua e costonan, e uso di energia y e peso di pakete di baterianan, a mustra cu e disponibilidad di un carga lihe y di capacidad halto tabata clave, ya cu esey tabata significa cu e baterianan di e trucknan por mantene relativamente chikito y liviano.
Esaki mester ta un incentivo pa e sector priva y formuladonan di politicanan pa concentra den haci cu e infrastructuranan di carga ta mas disponibel, coautora Olle Olsson a bisa.
“Den hopi entornonan, e trucknan di carga electrico por desempena un papel importante den e reduccion di e emisionnan di transporte pisa”, el a bisa.
E investigacion di Capgemini Invent, parti di Capgemini Group, a mustra recientemente cu e trucknan electronico ta keda haya entre e 55 tecnologia limpi cu por yuda e Union Europeo na alcansa su obhetivo di neutralidad climatico pa mediadonan di siglo.
General Motors Co y startup di trucknan electroniconan Nikola Corp a bisa cu aña pasa cu nan lo uni forsanan pa construi trucknan electrico y trucknan comercial di cel di combustibel pa enfrenta na Tesla Inc.
Volvo Truck, e principal marca di trucknan di AB volvo di Suecia, tin como obhetivo pa bende un gama completo di trucknan electronico di servicio pisa na Europa cuminsando e aña aki.
