For di cana ta zwaai cu balanan di candela, comemento di druif y papia cu bestia, telegraph ta revela e custumbernan di mas straño rond mundo pa celebracion di aña nobo. Den nos matutino mayan bo por mira e tradicionnan mas comun na Aruba.
Na Scotland tin un custumber di cana riba caya ta swing bala di candela rond, e tradicion aki ta origina su mes for di tempo di Vikings.
Na Turkia e tradicion ta encera cu bo ta bisti un panty/jockey color cora. Ki miho manera pa trece suerte na bo sernan keri cu door di bisti un paña di abou color cora. E practica ta hopi popular na Turkia y luganan ta prepara nan display cu esakinan cual ta sold out masha lihe.
Na Romania e cunukeronan ta papia cu nan bestianan den un ritual, cu si e ta exitoso e ta significa no solamente un regalo manera “Doctor Dolittle”, sino tambe suerte pa e aña nobo.
Na Venice, Italia St. Mark’s Square ta conoci pa organisa un evento grandi unda cu tin klaphi un un masa di hende cu ta sunchi cu otro den e piazza.
Bo tabata soña masha tempo cu un vakantie y ta preocupa cu e no ta pasa? Coy bo maleta bashi y cana cun’e rond den bo caya (ignora e cortinanan cu ta hala di bo bisiñanan), y haci e soño real e aña nobo. Esaki ta e tradicion Ecuatoriano.
Esnan cu kier celebra aña nobo na Romania ta bisti constume di beer y ta baila na diferente cas pa tene maldad leu.
Na Spaña nan ta hinca 12 druif den nan boca na momento cu e conteo ta yegando su fin, nan ta hinca uno den nan boca segun ta conta.
Na UK hopi persona ta core bula tuma un sambuya den awanaan sumamente friu, cu esaki nan ta recauda fondo pa un organisacion y tambe nan ta bisa cu e friu ta un bon cura pa hangover di e celebracion di aña nobo.
Na Chile famianan kier habri aña cu nan sernan keri cu a fayece, pues nan ta pone bela y musica clasico den graf y ta sinta eynan. E tradicion a inicia despues cu un famia a kibra drenta den e santana pa haci esaki. Despues di e incidente a mantene e santananan habri pa tur cu kier haci esaki.
Na Sur Africa nan ta tira tur muebles bieu afo for di bentana.
