(NLTimes) – Secretario di Estado Eric van der Burg, ken ta encarga cu asilo, a yama un “decision excelente” cu e negociadonan pa e Gabinete nobo a dicidi cu e no lo ta un Gabinete Wilders I.
El a bisa esaki durante un debate cu Tweede Kamer tocante e politica di asilo. Tambe el a bisa cu e no lo bira minister di migracion den un Gabinete di PVV, VVD, NSC y BBB.
E lidernan di PVV, VVD, NSC y BBB a keda di acuerdo cu nan lo ta parlamentario y no lo sinta den e Gabinete di e 4 partidonan aki. Esaki a keda cla durante e rapport final di ex lider di negociacionnan Kim Putters dia 13 di maart.
Lider di PVV Geert Wilders inicialmente a responde levemente na e hecho cu e no lo ta Prome Minister si e 4 partidonan logra forma un Gabinete hunto. E interes nacional ta bini prome cu su interes personal, el a bisa riba rednan social. Un dia despues, el a yama constitucionalmente incorecto y contra democracia cu e no lo bira prome minister. Recientemente, el a bisa den varios momento cu e ta sumamente desapunta y ta haya esaki injusto.
Wilders a responde cu disgusto na Van der Burg su declaracionnan riba X, bisando cu e ta un “homber chikito spanta.” Segun e lider di PVV, “e ta momento pa e sigui padilanti rapidamente.” Van der Burg ta miembro di VVd, cu cual PVV ta negociando un Gabinete nobo.
Tweede Kamer no ta contento cu e proposicion di extende e periodo legal den cual e servicio di naturalisacion y inmigracion IND mester tuma un decision riba e solicitacion di asilo. E motibonan pa esaki ta diferente, sinembargo Kamer ta di acuerdo cu Van der Burg su proposicion no ta e solucion pa e proceso sumamente poco poco. Te ainda no ta cla si e proposicion lo ricibi e sosten di un mayoria den parlamento.
PVV, VVD, NSC y SGP inicialmente a insisti cu mester reduci e fluho di solicitantenan di asilo. Nan lo sostene Van der Burg su proposicion si esaki keda fortaleci y bira mas estricto den cierto puntonan. GroenLinks-PvdA, D6 y SP no lo duna nan sosten na e proposicion.
