Full mundo ta experenciando e revolucion cu Inteligencia Artificial y medionan moderno di comunicacion ta treciendo. Antes consultancy tabata solamente por haya talento di un area local. E consultancies internacional cu si tin acceso na rednan internacional ta sumamente caro y door di esaki un grupo grandi di companianan y entrepeneurs no tin acceso na servicionan cu lo por yuda inmensamente.

Tur esaki ta cambiando den forma radical na e momento aki. Den e articulo aki nos lo papia di e trendnan cu lo haci Consultancy no solamente berdaderamente internacional te hasta pa entrepreneurs chikito pero tambe con Inteligencia Artificial ta brindando posibilidad inmenso pa esnan den e sector.

Red Internacional cu Medionan di Comunicacion den Siglo 21

Manera nos a menciona antes un Consultancy cu un red internacional lo ta uno den Categoria “Big7” manera Deloitte, KPMG, Baine y otronan. Pero den nos dia di awe cu medionan manera “LinkedIn” e plataforma di social media di profesionalnan y cu hermentnan manera Microsoft Teams, lasonan directo cu tur sorto di compania y hende di full rond mundo nunca tabata mas facil pa tin acceso na dje.

Recientemente mi persona hunto cu partners full rond mundo ta lansando un compania di Consultancy specialisa den Biotechnology & Medtech. Pa ilustra e punto di acceso na rednan internacional via medionan digital nos grupo na e momento aki ta consisti di expertonan den 14 diferente localidad full rond mundo.

 

Tambe e nivel di expertonan cu den e caso un Arubiano humilde tin acceso na dje ta inmenso.

Den nos caso, como ehempel directo nos tin e siguiente expertonan renombra den red directo di e Consultancy.

Dr Klary E Niezen-Koenig PhD (Geneticist | Netherlands)

Peter Xing (Data & AI Specialist, Microsoft Global | ex-Global Director, KPMG & Deloitte)

Dr Scott Hahn MD & PhD (Aerospace & Occupational Medicine | Communicable Disease Risks | SME Hazardous Materials | Environmental Toxicology | Medical & Life Sciences | ANZ, UK & USA)

Mahesh Gowrishankara (BioTech Research and Pharmaceutical Development | BioTech Startups Life Cycle | USA & South Asia)

Dr Stephen Huang (Pharmaceutical Medicine, ex-Big 4 Pharma | UK & EU)

Prof João Paulo Papa (Chair AI, IEEE South America | Research Fellow, Alexander von Humboldt Foundation, Regensburg, Germany)

Hein-Willem Blokland (Living Systems | Netherlands & EU)

Paul Spiegel (Principal Counsel, Eclectic Law | San Francisco, USA)

Guido Picus (ex-Amazon, ex-Deloitte, ex-KPMG | Startup Mentor, GrowthApp | Iceland & EU)

Esaki ta pa ilustra cu te hasta na Aruba por asambla teamnan internacional di caliber halto.

Tambe esaki ta habri porta cu por busca clientenan pafo di Aruba y literalmente full rond di Aruba. Pues un entrepreneur local por tin cliente di mundo henter den specialisacionnan cu no tin na Aruba. Pues en berdad ta posibel pa entrepreneurs digital local usando tur e medionan di comunicacion y hermentnan mas moderno pa realisticamente profila nan mes internacionalmente y asina “exporta Aruba” rond mundo.

Inteligencia Artificial

Antes pa tin un compania di Consultancy di nivel halto tabata uno sumamente caro pa set-up y mantene. Presentacionnan bunita di Powerpoint cu mester di un graphic designer, registracion di un website cu emailnan di un compania y e necesidad di tur sorto di back-office staff manera hurista y secretarianan. Esaki antes realisticamente tabata solamente posibel pa companianan relativamente grandi.

Pero awo cu hermentnan manera ChatGPT4, DaLLe-2 y full un scala na hermentnan di Open-Source AI, tur hende tin acceso na hermentnan cu antes lo a costa miles di florin. Tambe Inteligencia Artificial ta duna un y tur acceso na un nivel di experticio y conocemento relativamente hopi halto. Pues hopi di e “research” y skirbimento di un rapport cu ta e centro di Consultancy awo por wordo casi full automatisa.

Tur esaki ta pa ilustra cu den dia di awe, cu relativamente tiki fondo por crea companianan y ideanan cu por tin impacto full rond di mundo. Asina nos talento local por profila y asina yuda Aruba den modo grandi directo di exporta y den modo indirecto di propaganda nos dushi isla riba un podium internacional di mas halto.