(AP) – E prizon cera di Kansas unda e asesinonan, kendenan su storia ta conta den Truman Capote su “In Cold Blood” a ser ehecuta awo ta un atraccion pa turista.
Cuminsando diabierna, e ex oficialnan y guardianan lo duna tour di 2 ora di e edificio cu a cuminsa hospeda detenidonan den 1860, Kansas City Star a reporta.
E edificio, originalmente yama Kansas State Penitnetiary, no tabatin proposito despues cu Kansas Department of Corrections a habri e edificio nobo Langsing Correctional Facility den 2020. Sinembargo na luga di tumba e edificio bieu, Department of Corrections a traspaasa e control di e edificio na Langsing Historical Society and Museum.
Eventonan binidero ta inclui un show dentro di e murayanan di e prizon e luna aki.
“Nos ta anticipa cu e prizon lo habri na un cantidad grandi di persona cu kier sa kico a sosode dentro di e murayanan aki,” Debra Bates-Lamborn, president di e sociedad, a bisa despues cu e oficialnan di e prizon estatal a entrega e yabi e siman aki.
Pa ananan, e prizon a haci otro ehecucionnan via colgamento na e ‘gallow’, un sitio cu e bishitantenan no lo tin acceso na dje durante e tour. Desde cu el a ser kita for di e prizon, a desmantela esaki y awo nan ta bao e estado su custodia.
Entre e prizoneronan mas notabel cu a ser ehecuta na e prizon ta Richard “Dick” Hickock y Perry Smith, kendenan a ser condena di asesina 4 miembro di e famia Clutter dia 15 di november den 1959, den e famia su cas na Holcomb, Kansas.
Capote, conhuntamente cu su amigonan cercano y Harper Lee a bishita e prizon mientras e tabata haciendo investigacion pa e buki tocante e asesinatonan aki. Hickock y Smith a ser ehecuta den april di 1956, entre e ultimo detenidonan cu a ser colga den e estado.
Un di e paradanan di e tour ta Chow Hall, unda e difunto leyenda di musica di genero Country Johnny Cash a duna show pa e detenidonan den 1970.
“Johnny Cash semper a bisa cu e audiencianan den prizon ta e audiencia mas entusiastico cu el a yega di toca p’e,” Bates-Lamborn a bisa.
E prizon su tour ta crea basa riba un tour similar na Missouri. Alrededor di un aña atras, un legislador di e estado a acerca Langsing Historical Society and Museum cu e idea di preserva e prizon pa medio di converti esaki den un atraccion di turista.
Bates-Lamborn a bisa cu su persona y otro miembro di e directiva a haci e biahe pa Jefferson City pa tour Missouri State Penitentiary, cual ta habri pa tour desde aña 2009.
“Despues, mi a pensa cu di nos no ta compara y nos por haci un miho trabao,” el a comenta.
Tour di e facilidad lo ser teni riba diabierna, diasabra y diadomingonan, y lo keda te cu dia 26 di october. Mirando cu e facilidad no tin calefaccion ni tampoco electricidad, e tournan lo stop durante winter y lo bolbe back ora cu e temporada friu pasa.
