Parlamentario mr. Juan E. Thijsen ta siguiendo e desaroyonan gubernamental, constitucional y politico di cerca y por a tuma nota cu e postema a scheur, detencionnan a cuminsa cay, Aruba den decadencia y MEP e unico alternativa.
Segun e parlamentario Mike Eman prome ministro di Aruba y lider di AVP y partido AVP a faya a pesar di tabata avisa di antemano. Ta Mike Eman mes a permiti WODC traha un
rapport contra gobierno di MEP cu no a saca nada contra gobierno di MEP pero si a laga un hala di recomendacionnan cu Mike Eman y AVP a viola na gran escala. Parlamentario mr.
Juan E. Thijsen ta resalta e tresnan mas importante:
1. WODC ta recomenda Gobierno cu si bo ta ripara cu un di
bo mandatarionan ta haci dudoso y ta hole corupcion gobierno
mester pone handrem mesora.
2. WODC ta recomenda gobierno cu mesora bo nota conflicto
di interes bo mester actua mesora.
3. WODC ta recomenda gobierno cu ora bo ta mira bo organonan
constitucional manera Parlamento, Algemene Rekenkamer,
Raad van Advies no ta wordo respeta gobierno mester
para keto mesora y drecha e respet.
Segun sr. Thijsen awor despues di 8 aña nos por saca e balansa y nos por constata cu tin indicacion fuerte di corupcion y di conflicto di interes y tambe organonan constitucional no ta worde respeta. Tin no menos cu 6 Ministro y 3 ex Ministro cu tin duda riba nan, Ministronan Eman, Sevinger, Dowers, Hooyboer, De Meza, Paul Croes ya deteni y ex inistronan Otmar Oduber,Visser y Yrausquin. E hecho aki di ta sospecha di corupcion ta un berguensa nacional, den Reino Hulandes y internacionalmente.
Parlamentario Thijsen ta bisa cu e ta lamenta cu fuera di WODC su persona como parlamentario tambe a spierta gobierno na varios ocasion den e 8 añanan cu a pasa pero gobierno no a haci caso y e parlamento mayoritario di AVP no a reacciona riba kehonan di corupcion y conflicto di interes.
Riba dje e parlamento mayoritario di AVP mes no a respeta instancianan constitucional. Sr.Thijsen ta urgi votadonan pa sigui e desaroyonan gubernamental, constitucional y politico aki di cerca y evalua bon ora di bay vota. Aruba no por permiti su mes un continuacion di hendenan sospecha y posiblemente sentencia tambe di corupcion.
Esaki por deduci na e manera sistematico y metodicamente con Ministerio Publico ta hibando e asunto y ta deteniendo hende cercano di e Ministronan. Dia 22 di september
vota MEP pa un gobierno integro locual nos pais merece.
Hunto pe cambio sin miedo. MEP e unico alternativa.
