(AP) – Ken ta e musiconan di reggaeton top na mundo? Of den historia? Nombernan manera di Bad Bunny ta bini na mente? Daddy Yankee? Y Wisin y Yandel, Rauw Alejandro, Farruko y J Balvin?
Pa añanan largo, musica ‘urbano’ ta defini solamente pa su artistanan masculino. Sinembargo esaki no ta e caso mas y ciertamente no den historia di awendia.
Karol G su Mañana Sera Bonito – Spotify su di 4 album ma scucha, globalmente den 2024 aunke el a lansa den 202 – y un par di talento nobo for di Puerto Rico manera Villano Antillano, RaiNao y Young Miko, ta demostra cu e temponan ta cambiando y musica cu antes tabata asocia cu machismo awo ta cambiando di look.
Desde cu el a publica su EP den 2022 “Trap Kitty,” Young miko a resalta. No solamente pa su Latin Trap cu tin flow cu e meta di empodera e comunidad di LGBTQ+ – aunke esaki ciertamente ta un factor – sino tambe pa su hitnan super viral manera “RiRi” y “Offline” conhuntamente cu Feid.
Luna pasa, “Att” a duna Young Miko su prome nominacion Grammy den e categoria di Best Musica Urbana, tradicionalmente un club di hende homber. E ta e unico muhe cu ta nomina den e categoria aki. E entrega di premio Grammy lo tuma luga dia 2 di februari den 2025.
Con el a reacciona na e noticia? “E tabata ciertamente inespera. Pero semper tabata un sono,” el a conta The Associated Press recientemente na Variety Music Hitmakers Brunch, agregando cu esaki no ta solamente su soño sino tambe e soño di henter su ekipo. “Pues ora cu nos a haya e noticia, e tabata un momento emocionante. Nos tur tabata hunto y kier a disfruta di e momento. Y nos ta feliz di sikiera ta considera. Pues ya, e ta algo great.”
Anteriormente e aña aki, Karol G tabata e prome muhe cu a gana un Grammy pa Best Musica Urbana Album.
“Como un muhe, mi mester bisa, manera den mi experiencia, e tabata dificl pa ta un muhe den e industria aki, den e musica cu mi ta aden, musica urbano,” Karol G a conta AP backstage di Grammys di e aña aki. “Mi sa cu mi ta representa hopi mucha muhe, no solamente den musica, hopi muhe den mundo cu ta luchando pa nan representa nan mes.”
Young Miko ta bisa cu e industria ta cambiando, “definitivamente,” el a comparti.
“Mi ta kere cu tur cos ta pasa pa un motibo y evolucion ta un parti di tur cos.”
