Mi hendenan! Nos t’ey bibo, riba un countdown porque para Aruba nos vamos de vacaciones. Dushi yiu. Pero entre robo, oil spill, heimwee, examen, politica min sa si di berdad tin un rason pa tanto alegria. Ban papia! Den e ultimo blok di e aña escolar, nos ta bezig ta profundisa nos mes hopi riba media. Mas tanto enfoca riba e parti di etica di periodismo y efectonan di citizen journalism rond di mundo.

Basicamente, citizen journalism ta periodismo cu ta wordo crea pa e cuidadonan mes. Awo den e era di social media, tur hende por duna un reportahe y periodistanan ta depende hopi di cual hende ta bisa, pa duna contexto na noticianan. Mi ta haya mi mes den les ta pensa hopi riba Aruba. Ta berdad cu nos no tin mucho bon fama den mundo di periodismo, pero si bo wak e bon nos no ta nos so. Mi ta lesa hopi, tur dia, diferente medio. Esey ta e regla number un pa tur hende cu kier bira un bon escritor. Bo no por skirbi, si bo no ta lesa. Ma bon, fake news left and right, titelnan di noticia ta descabeya y sin obhetividad. Den e era di “clickbaits” e ta dificil pa haya un hende su atencion si bo articulo no tin un bon cabes. E tarea principal di un periodista ta pa papia berdad. Esey ta e comienso y e final di tur cos. Locual mas tanto nan ta haci cu nos na universidad, ta cu nan duna nos casonan controversial di noticieronan rond di mundo.

Nos mester analisa esakinan y na luga di contesta esaki basa riba teoria di prensa, nos mester contesta basa riba kico nos ta pensa ta moralmente corecto. Basa riba nos norma, balornan y principionan cu ta wordo imprenta den nos cabes desde tempo nos tabata chikito. Tur cos ta yega na e pregunta “Si abo tabata e periodista, kico bo lo a haci?”. Tur locual bo por pusha pa yega na e berdad tin su limite pasobra tin un cos cu yama privacidad y e ta algo cu nos tur tin derecho riba dje. Aha, mi sa ta hopi ta lubida esaki. Mi ta corda aña pasa mi juffrouw di journalistic writing skills a conta mi cu den pasado el a bishita e islanan Caribense pa un tayer tocante e actitud di prensa ora e ta yega na hubentud. El a conta cu den Caribe e islanan cu tabata esunnan mas malo den proteha privacidad di mucha tabata e islanan di ABC. Tristo, pero berdad. Mi ta supone mi a yega di menciona esey den pasado caba. Mundo di noticia a cambia hopi y e lo sigui cambia, pero e ta un pueblo su derecho pa ta bon informa. Bayendo bek na mi titulo tocante integridad, mi hendenan, nan a kibra e lock di mi camber y horta mi laptop.

Tin algo pio na mundo pa un escritor cu no ta perde su laptop? Bisa mi, mi no ta kere. Pero algun aña pasa un bon alma yama Sharina a introduci mi na google drive. Pues como mayoria di mi trabou ta online, mi no a perde mucho.

Still sucks, pero ja, esey ta bida. Nan a bay cu charger cu tur. Cansa di un dia largo na scol m’a yega cas y e porta di mi camber no kier a habri. Mi pensamento inicial tabata porta e lock ta bieu y el pega. Frustra despues di tanto purba mi ta yama un locksmith pa e habri e porta pa mi. E homber kier cobra mi 170 euro pa habri e lock. Mi ta wak e, mi ta bise, bo sa mi ta un studiante mi no por duna bo e suma ey. Wel, su inner scammer a drenta di biaha y pa su suerte esun di mi tambe. Pasobra hallo, mi ta mi so na e pais ki. Ken mi t’ey yama habri un porta pa mi? Unda mi t’ey drumi riba vloer? Mas drama di bida di studiante. Placa, emergencia, contacto. What to do? Si mi tabata na Aruba ken cu ta lo a bin salba mi. Despues di discuti e di cu mi okay, pasa 80 euro na mi cuenta personal y yama e compania bisa bo no mester e servicio mas. 80 euro ainda ta demasiado pa un studiante pero hopeless y cansa, 9or di anochi, mi a pasa e placa p’e.

Mi sa cu mi a haci malo y si e guy ki a haci esey pa mi, mi ta sigur e ta hacie mas caminda. Cual basicamente kiermen e ta scam e mesun compania cu e ta traha p’e. E siguiente dia, e yiu di e doño di cas a bin y e tabata rabia pasobra mi a yama un hende habri e porta pa mi y e hende mester a kibra e lock. Na luga di ta rabia cu nan a drenta horta, bay cu mi laptop y mi trankilidad.

Ni pa cortesia puntra mi si mi ta bon. Pero esey ta Hulanda pa bo, nobody cares, kiermen wak bo get tough si bo kier bin ki banda. Integridad versus necesidad? Never say never mi hendenan, necesidad tin cara di cacho. Atentamente, un partner in scamming