Un comparacion di e desaroyo economico bou gobierno di MEP y di AVP ta hiba na un simpel conclusion: bou MEP tin caida y bou AVP tin crecemento. E grafico akibou ta ilustra esaki perfectamente. E grafico ta traha a base di cifranan di Banco Central. E punto mas abou den desaroyo economico tabata na aña 2009, ora MEP a nenga pa tene e refineria habri, ora turismo a cay, e crisis mundial a dal Aruba y gobierno di MEP a neglisha pais y pueblo, pa pone atencion na nan asuntonan personal y di famia.
E aña ey pueblo a scoge un gobierno di AVP cu a cuminsa saca nos pais di e buraco scur y sin perspectiva cu MEP a hinca nos aden. Desde e aña ey economia di Aruba a cuminsa crece poco poco den un mundo mas dificil. Entre 2010 y 2017 economia di Aruba a crece cu mas cu 13%: di -11% pa + 2% e aña aki. Amplia economia Mescos cu tur otro parti di mundo, e crecemento economico ta mas chikito.
Esey ta haci cu no por sigui conta riba e pilarnan economico tradicional di Aruba, cu ta refeneria y turismo. Pa colmo, bou gobierno di MEP e refineria mester a cera pasobra di falta di cooperacion di gobierno. Awor cu e refineria ta bolbe bay habri, e lo crea mas trabou atrobe. Esey tambe lo pone mas hende na trabou, duna nan nan propio entrada bek y mehora bida di nan famia. Esey tabata un di e motibonan principal di gobierno di AVP pa haci tur cos posibel pa logra habri e refineria. Pakico MEP a boicotia e refineria te obliga e refineria pa cera, te ainda nos no por compronde.
Banda di crea cupo di trabou bon paga, e refineria ta crea mas entrada pa gobierno tambe. Bou gobierno di MEP e placa extra no tabata yega na pueblo. Bou gobierno di AVP tur hende ta wak unda e placa ta bay of ta sinti’e directamente den nan saco! Awor gobierno di AVP ta bay mas leu y crea 4 sector economico nobo. E renobacion economico aki ta pa crea mas cupo di trabou den areanan economico cu ta rekeri estudionan mas halto. Hopi di nos hobennan cu a studia awor lo haya mas oportunidad, banda di turismo y refineria. Esakinan ta djis algun di e diferencianan di con ta bay cu nos economia bou di MEP y AVP. Bou gobierno di AVP henter Aruba ta crece y bay dilanti!
