Stichting Monumentenfonds Aruba (SMFA) ta organisa tur luna un competencia di fotografia cu un tema nobo. Pa luna di januari, den cuadro di e celebracion di dia di Betico a scoge pa e color blauw. E famoso color blauw di Aruba su bunita shelo, lama ta un sensacion global. Y nos por encontra blauw tambe den Aruba su herencia cultural. Pa e luna di januari nos ta challenge e publico pa captura e esencia di e color blauw di Aruba su herencia y tradicionnan den su diferente tono.

Con pa participa?
 Post un fotograf riba bo Instagram account.
Uza e siguiente hashtagnan: #langlevenheterfgoed_blauw #langlevenherterfgoed #bibanosherencia
Menciona @langlevenheterfgoed y @monumentsfundaruba den bo post.
Ultimo dia pa participa ta 31 di januari 2024.

Algun tips:
-E tema principal ta herencia di Aruba y color blauw.
-Laga bo fotograf resalta cu un color di contraste manera por ehempel oraño.
-Probecha e actividadnan di celebracion di Dia di Betico pa busca e blauw di Aruba.
-Busca algo blauw pa resalta den bo fotograf, un detaye, un paña etc.
-Capta diferente tononan di blauw den bo fotograf.
-Pone atencion na detayenan manera portanan y bentana.
-Y probecha tambe e actividadnan di Carnaval pa captura e color blauw den e diferente parada y actividadnan.

Biba nos Herencia
 Ta un proyecto organisa pa Stichting Monumentenfonds Aruba den cooperacion cu Monique Anrochte, diferente partner cultural y boluntario cu e meta pa medio di fotografía y Instagram comparti e herencia tanto material como inmaterial di Aruba cu un y tur. Pa e proyecto nos ta organisa diferente workshops, instameets y competencianan di fotografía pa asina conecta e participantenan na nos herencia cultural. Asina hunto crea un comunidad cu pasion pa herencia, cultural, arte y fotografía. Tur luna lo tin un premio diferente y e fotografnan di e challenge cu gana lo forma parti di un exposicion na final di e proyecto. Biba nos herencia ta un proyecto pa tur edad caminda na un manera interactivo y simpel por conoce y comparti Aruba su herencia cultural.

Pa mas informacion follow nos riba Instagram na @monumentsfundaruba / @langlevenheterfgoed of por tuma contacto na info@monumentenfondsaruba.com