ORANJESTAD – Aruba su Turismo ta pasando den un di su miho momentonan, tur indicador ta positivo y ta surpasando tur obhetivo, esaki ta segun e ultimo cifranan cu minister Dangui Oduber a ricibi di Aruba Airport Authority (AAA).
Seat Capacity 2018
Na aña 2018 e capacidad di asiento pa e mercado Estadounidense a surpasa 1 miyon di asiento pa prome biaha den historia. E mercado Estadounidense ta keda esun di mas grandi cu ta 67% di nos bishitantenan. E mercado di Latino America ta e di dos mas grandi cu 16% sigui pa esun Europeo cu 7%. Otro mercadonan ta e mercado Caribe Hulandes cu tin 6% y Canada cu tin 4% segun cifranan di 2018. Mayoria di e vuelonan pa Aruba ta sali for di Miami, New York, Curacao, Newark y Bogota segun e cifranan di 2018.
Aña 2019 ta premira pa bira un aña record den turismo, e capacidad di asiento Estadounidense lo bay surpasa e capacidad di asiento di aña 2018. E mandatario a expresa di ta satisfecho cu e cifranan ricibi di AAA. Gobierno lo bay sigui explora pa habri mas destinacion pa asina sigui aumenta e capacidad di asiento pa Aruba.
