E prome bishita di un papa den 31 aña na Colombia a bin na momento unda gobierno y Forsa Arma Revolucionario di Colombia (FARC) a firma e pacto aña pasa, cu obhetivo di finalisa un enfrentamento cu a laga mas di 220.000 morto y mas di seis miyon di hende cu a keda desplasa.

Cu e lema “duna e prome paso”, Francisco lo dirigi varios concentracion cu fielnan na Bogota, Villavicencio, Medellín y Cartagena, caminda lo reuni cu victimanan cu a sufri violencia, cu ex guerrilleronan, cu religioso y famia pober di Colombia.

Diahuebs e sumo Pontifice a recore e capital di Bogota, cuminsando cu un encuentro cu autoridad Colombiano na Plaza de Armas di Casa de Nariño, residencia oficial di presidente, caminda ta ricibi y duna honor militar pa persona importante cu ta bishita Colombia. Despues di un ceremonia, e Papa a bishita presidente Santos na Salon protocolar di Casa de Nariño, prome di su bishita na e catedral, caminda a haci un oracion y asina hiba un ofrenda di flor pa virgen di Chiquinquirá.

Cerca di 10:50 ora local, Francisco lo a bendeciona e fielnan desde balcon di e palacio arzobispal situa na Plaza Bolivar, situa banda di e catedral. Despues el a reuni cu obispo di Colombia na un salon situa na di dos piso di e edificio di catedral, yen di arte.

Despues el a bolbe pa e nunciatura apostolico, caminda el a drumi pa despues reuni cu Comite directivo di Conseho Episcopal di Latinoamerica (CELAM), cu ta uni obispo di iglesia catolico di Latinoamerica y Caribe. E actual presidente di CELAM ta monseñor Cardenal Rubén Salazar Gómez, cu tambe ta arzobispo di Bogota.

Finalmente Francisco a celebra un misa na parke Simon Bolivar, su prome misa riba teritorio Colombiano.

Awe Papa Francisco tin mas actividadnan cu el a yama como un reconciliacion cu Dios, cu pueblo Colombiano y cu e naturalesa.

9.50: E ta bay den avion di  Bogotá pa Villavicencio

10.30: e lo aterisa na base aereo di Apiay na Villavicencio

11.30: Santa misa na Catama. Homilia di Papa

17.40: Gran encuentro di oracion pa reconciliacion nacional na  parke Las Molocas. Lo ta e di cuatro discurso di Papa

19.20: Bishita na e  monumento Cruz di Reconciliacion na parke di  Fundadornan

20: Francisco lo bula pa Bogotá