Den e ultimo dianan aki APA a wordo acerca pa diferente partidonan riba e yegada di Aida Perla, cual tawata den noticia e ultimo simannan aki. Por medio di esaki APA den coordinacion cu Minister di Salubridad, Turismo y Deporte, DVG, ATA, BRA y demas otro autoridad kier a informa lo siguiente.
“Nos por informa cu entrante ayera 6 februari Aida Perla a cuminsa cu un itinerario nobo di 14 dia saliendo di La Romana. St. Domingo”
Segun un comunicado di prensa, DVG ta vigila y monitor activamente tur crucero pa medio di Maritime Declaration of Health (MDH), manera cu ya ta haciendo pa algun aña caba, pues esaki ta un procedura normal cu DVG ta ehecuta; no unicamente cu Aida Perla, sino cu tur crucero cu ta yega Aruba. Riba e MDH tin tur informacion di tur cos cu tin di haci cu salubridad y esaki DVG ta controla pa cualkier iregularidad. Den caso di Aida Perla no tin ningun iregularidad y p’esey tampoco tin problema pa e drenta Aruba.
Pueblo di Aruba por keda trankil cu e yegada di Aida Perla y ta conta cu ‘nos lo brinda nos bishitantenan e mesun bon servicio cu Aruba ta conoci p’e’.
