E aña aki lo ta calor no pa Aruba so pero mundo henter

E aña aki un biaha mas aki na Aruba lo bolbe sinti e efectonan di e polvo di Sahara. Esaki ta e temporada cu ta haya e polvo di Sahara, cual un dia e por aumenta y otro biaha e ta baha, segun David Barkmeyer, director suplente di Departamento di Meteorologico.

Pero tambe manera tur aña tin e temporada di horcan y te cu awor ta mustra cu esaki lo ta mescos cu aña pasa. Tambe e aña lo ta uno calor no solamente pa Aruba, pero mundial.

Aña pasa tabata un temporada hopi calor, y segun e record esey tabata esun di mas calor. E record di mas calor tabata 2016 pero no solamente cerca nos, pero mundialmente. “Mi ta kere cu nos no lo bay cay mucho leu for di esey e aña aki atrobe. Bo ta mira claramente na cierto parameters cu e aña por ta uno calor.” Loke el a mira ta cu na e prome dos siman di januari so, e temperatura tabata basta abou. Pero ya caba e temperatura ta yegando maximo di 31 pe aña aki. Kiermen ta calor caba pe epoca aki di februari. E Centro di Meteorologia, WMO, ta check esaki pa henter mundo y no un sitio so.

 Polvo di Sahara
Tin temporada e concentracion ta halto otronan e ta baha. Den e temporada aki e ta baha, februari, maart y april, e polvo di Sahara sa yega te den e region aki. Sr. Barkmeyer a sigui bisa Bon Dia Aruba, cu nan no por pre decir ainda si e concentracion di e polvo di Sahara lo ta halto of abou. Esaki ta depende di cuanto “zandstorm” tin riba e parti di e area di Sahara na Africa. Esaki ta wordo suspende den aire y asina e polvo ta yega te aki nan. “Tin dia por ehempel manera aworaki riba Atlantico Central e concentracion ta halto. Cerca nos e ta abou ainda,” Sr. Barkemeyer a sigui indica. “Bo ta mira slidely easy sky manera nos ta bisa. Pero mi ta kere pa fin di februari pa maart, kisas nos lo haya cu dia cu e ta hopi concentra.”

E motibo cu e polvo di Sahara ta yega te cu Aruba ta pasobra na e parti west noordwest di e Sahara woestijn na Africa tin e “permanente hogedruk gebied” banda di Azore ta carga cu e tur e stof y bin cu esaki te na e region aki.

Temporada di horcan
Aña den y aña afo tin e temporada di horcan, cual ta pone cu Departamento di Meteorologico a cuminsa monitor esaki. Normalmente pronostico ta wordo haci for di ora cu temporada caba. Despues di temporada di horcan un resumen ta wordo saca den e off season, segun Sr. Barkmeyer. Despues di 30 di november e resumen ta wordo saca y ta wordo updated fin di december, kiermen loke ta wordo spera e aña aki. Januari atrobe nan ta update e resumen, por ultimo na fin di maart pa comienso di april tambe ta update esaki. Pero durante e temporada di horcan mes nan ta haci esaki, el a indica.

Pe aña aki ta premira cu e cosnan a keda mas o menos mescos pa loke ta e cantidad di horcan. “No tin dje tanto variacion awor aki, pero ya ta un tiki prematuro pa bo cuminsa papia di esey. Pero door cu nos tabata tin La Niña condicion cu a cuminsa baha, ta bira neutral, nos no sa kisas si nos lo haya nos cu El Niño pa mita di aña of e di dos mita di aña. Ainda esey ta den ‘veremos’ manera nos ta bisa,” segun Sr. Barkmeyer.

Departamento di Meteorologico tin cu mira tur esey, pasobra esey tambe ta trece un “shift” cu ne den e pronosticonan den e temporada di horcan. El Niño ta un “onderdruk” (presion abou) den e parti di Atlantico. El Niño ta onderdruk tur loke ta tropical cycloon. Esey kiermen si tin El Niño, aki na Aruba tin e chens cu ta haya menos awasero. Den e parti Pacifico esaki ta otro, eynan nan ta haya mas awasero.

Meteo (NW