Durante un dia di presentacion emocionante, 10 organisacionnan a logra yega na un nominacion. Tur aña ta haci e entrega di Appeltjes van Oranje di parti di Oranje Fonds na iniciativanan social excepcional cu ta aporta na e bida di comunidad.

Den comienso di october lo nombra e 3 ganadornan, ken lo ricibi un estatua di brons, traha pa Prinses Beatrix y e suma di 25,000 euro. Reina Maxima lo ta e persona cu lo otorga e premionan.

E 10 iniciativanan nomina ta;

Thuis in West di Rotterdam

Wijkcentrum de Geus di Hilversum

Inloophuis de Bron di Zaandam

Gehurterbij di Son

Stichting TielCentrumXL di Tiel

Repair Cafe Teylingen di Sassenheim

Stichting IK WIL di Eindhoven

Fundashon Ser’i Otrobanda di Corsou

Alrededor di 40,000 votador

Te cu dia 10 di juni, publico por a vota pa e 3 nominadonan Hulandes y e 7 nominadonan Caribense. Mas di 40,000 persona a participa y duna nan voto. E proyecto cu a ricibi e mayoria di voto den e ronda aki, pues Thuis in West di Rotterdam, a bay directamente como un di e 10 finalistanan.

E cantidad di votonan cu e otro nominadonan a haya a yuda determina cua proyectonan lo ricibi e nominacion oficial pa haya e premionan. No solamente e resultado di e votonan a conta, sino tambe e presentacion cu e proyectonan a duna na un hurado, cual ta inclui empleadonan y miembronan di e directiva di Oranje Fonds ademas di expertonan. E presentacionnan a tuma luga tanto na Hulanda como na Corsou.

Tema

E tema di Appeltjes van Oranje e aña aki tabata “constructor di puentenan den bario”. Esaki ta nifica cu e premionan e aña aki ta bay na iniciativanan cu a ser crea door di of pa e habitantenan di e bario mes, cu ta crea y stimula contacto y conexion entre bario di personanan cu normalmente no ta topa otro hopi. Oranje Fonds a scoge e tema aki pa motibo cu e inciativanan aki ta indispensabel pa e comunidad. Nan ta sumamente importante y e desaroyonan social a haci cu e proyectonan aki lo sigui bira mas importante ainda.

Di mesun manera cu conexion entre habitantenan di varios ta cay bao presion causa pa individualisacion, asina tambe e barionan a bira mas diverso cual ta resulta den diferente edad, antecedente y estilo di bida ta bini dilanti. Na mesun momento, a recorta hopi den presupuesto pa crea luganan pa reuni, comparti y contribui na e comunidad. Mientras cu e conexion aki entre persona ta crucial pa e realisacion di un comunidad activo, unda tur e habitantenan ta wak pa otro y nan bario. Relacionnan social den bario ta un luga safe pa tur hende cu tin mester di esaki, y esaki na su turno ta crea un base pa preveni y contraresta problemanan manera pobresa, soledad y problema cu otro.